Ákæra afturkölluð vegna tengsla

Ákæra á hendur 9 nafngreindum mönnum fyrir brot gegn Alþingi hefur verið afturkölluð.  Ástæðan er sú, að í ljós kom að meðal brotaþola er þingvörður sem er hálfsystir eiginkonu Valtýs Sigurðssonar, ríkissaksóknara, en hún er með einkaréttarkröfu í málinu. 

Ríkissaksóknari segist telja sig vanhæfan til frekari meðferðar málsins og því sé rétt að hann víki sæti í málinu. Hefur embættið óskað bréflega eftir því við  dómsmála- og mannréttindaráðuneyti, að annar löghæfur maður verði settur til að fara til að fara með málið vegna vanhæfis ríkissaksóknara.

Fram kemur á heimasíðu ríkissaksóknara, að ákveðið var með ákæru 30. desember, að höfða sakamál á hendur níu nafngreindum mönnum fyrir brot gegn Alþingi, brot gegn valdstjórninni, almannafriði og allsherjarreglu og húsbrot, með því að hafa þann 8. desember 2008, ásamt hópi óþekktra manna, ruðst í heimildarleysi inn í Alþingishúsið við Austurvöll meðan á þingfundi stóð.

Málið var þingfest 21. janúar en frestað til 9. febrúar þar sem ákærðu óskuðu eftir fresti til að taka afstöðu til ákærunnar. Saksóknari sendi síðan bréf til Héraðsdóms Reykjavíkur 22. janúar og afturkallaði ákæruna

• 7 blogg um fréttina

Bloggað um fréttina

• Einar Guðjónsson: Mágkonan kærði
• Anna Guðný : Ef ég og mín fjölskylda?
• Einhver Ágúst: Var hann bara að fatta þetta?
• Gísli Foster Hjartarson: Óvænt útspil ríkissaksóknara
• Sigurður Hrellir: Er Valtýr úti á þekju?
• Jón Pétur Líndal: Ríkissaksóknari byrði á ríkinu.
• Ólafur Tryggvason Þorsteinsson: Þá er bara að finna hæfan mann og kæra aftur