Olíufarmi var dælt í rangan tank

Mistök urðu við löndun olíufarms úr olíuskipinu Bro Glory í Hafnarfjarðarhöfn í fyrrakvöld og leiddu til þess að eldsneyti var dælt inn á rangan tank í birgðastöð Atlantsolíu.

Um var að ræða helming farmsins eða um tvær milljónir lítra. Afganginum af farminum verður skipað upp í Örfirisey. Birgðastöð Atlantsolíu í Hafnarfirði er lokuð á meðan hluteigandi aðilar skoða málið og meta tjónið. Unnið er að því að stöðin verði tæmd og hreinsuð.

Sjá nánari umfjöllun um þetta mál í Morgunblaðinu í dag.