Aukinn stuðningur við aðild

Við höfuðstöðvar ESB í Brussel.
Við höfuðstöðvar ESB í Brussel. Reuters

Stuðningur við aðild Íslands að Evrópusambandinu á Alþingi hefur heldur farið vaxandi að undanförnu að mati Össurar Skarphéðinssonar utanríkisráðherra. Össur vísar á bug gagnrýni sjálfstæðismanna vegna fyrirhugaðrar þátttöku hans í ríkjaráðstefnu ESB og segir flokkinn vera að einangra sig.

En hvað ætlar Össur að leggja áherslu á á ríkjaráðstefnunni?

Fylgt úr hlaði með stuttri ræðu

„Við munum leggja fram skriflega greinargerð sem ég fylgi úr hlaði með munnlegri ræðu þar sem farið er yfir stærstu drættina. Ég mun þar leggja áhersla á þau grundvallaratriði sem koma fram í nefndaráliti meirihluta utanríkismálanefndar. Það er sá grundvöllur sem allt ferlið byggir á.

Það er fyrst og fremst tvennt sem ég veg þyngst af efnislegum atriðum í minni ræðu. Það er sjávarútvegur og landbúnaður, þó vitaskuld séu önnur atriði einnig reifuð. Megináherslan er þó á það tvennt,“ segir Össur og bætir því við að hann farið yfir drög að hinni skriflegu greinargerð á fundi utanríkismálanefndar í dag.

„Ég fór mjög nákvæmlega yfir okkar viðhorf gagnvart sérstöðu Íslands í sjávarútvegi og fiskveiðum ásamt áherslum í landbúnaði og byggðamálum, jafnframt því sem ég greindi frá öðrum atriðum sem verða líka rædd. En þetta eru stóru atriðin.“

Undir lok fundarins lögðu fulltrúar Sjálfstæðisflokksins í utanríkismálanefnd fram bókun þar sem þátttaka Össurar í ráðstefnunni var sögð ótímabær í ljósi þess að fyrir liggi tillaga á þinginu um að draga umsóknina til baka.

Sjálfstæðismenn á einangrunarbraut

Össur segir tillöguna hafa verið lagða fram í beinu framhaldi af landsfundi Sjálfstæðisflokksins undir lok júní.

„Sjálfstæðisflokknum virðist umfram um það að einangra sig í stjórnmálum í dag og læsa sig frá öðrum flokkum. Það eru bernskubrek nýrrar forystu sem mun ábyggilega einhvern tímann sjá ljósið og koma fram með ábyrgari hætti.“ 

Aðspurður um það sjónarmið að fremur sé um aðlögunarferli að ræða, þar sem Ísland fær litlu um ráðið, heldur en eiginlegar samningaviðræður landsins við ESB vísar Össur því á bug með vísan til þess að það sé vissulega hægt fyrir Íslendinga „að ná samningum við Evrópusambandið um erfið mál alveg eins og öðrum þjóðum hefur tekist“.

Hægt að semja um erfið atriði

Össur rifjar af því tilefni upp skýrslu Evrópunefndar Alþingis sem lauk störfum 2007 undir forystu Björns Bjarnasonar og hann átti sæti í.

„Þar er heill kafli þar sem greint er frá ýmsum sérlausnum Evrópusambandsins gagnvart einstökum ríkjum sem sóttu um aðild. Þannig að ég tel fráleitt að gefa sér fyrirfram að það sé ekki hægt að ná samningum um erfið atriði. Það væri undarlegt keppnisskap að tapa orrustum áður en þær byrja.

Ég nefni sem dæmi sjávarútveg þar sem við höfum algera sérstöðu. Hún birtist í því að okkar efnahagslögsaga er gríðarlega víðfeðm, 760.000 ferkílómetrar, og hún er einstök miðað við ríki ESB að því leyti að hún skarast ekki á við efnahagslögsögu nokkurs annars ríkis.

Sameiginleg sjávarútvegsstefna sambandsins var ekki skrifuð fyrir slíkar aðstæður, rétt eins og að hin sameinaða landbúnaðarstefna sambandsins var ekki skrifuð fyrir hinar finnsku aðstæður eins og sambandið viðurkenndi í verki með sérlausnum fyrir Finnland.

Þannig að ég gef mér að í samningunum sé ekkert útilokað fyrirfram. Síðan verður veruleikinn að leiða í ljós hvað er hægt að komast langt við samningaborðið.“

Fráleitur málflutningur

- Hvað segirðu um það sjónarmið þingmanna Sjálfstæðisflokksins að það sé ótímabært að þú takir þátt í ríkjaráðstefnu ESB á þriðjudag, í ljósi þess að fyrir þingi liggi tillaga um draga aðildarumsóknina til baka?

„Það er fráleitur málflutningur en hann kemur mér ekki að öllu leyti á óvart. Hann kemur þó á óvart miðað við það að skömmu áður en núverandi formaður var kjörinn leiðtogi Sjálfstæðisflokksins talaði hann nánast eins og jafn sannfærður Evrópusambandssinni og ég. En allt breytist í heiminum [...] Hitt liggur fyrir að Alþingi er æðsta vald og það getur tekið ákvörðun hvenær sem það vill um að fresta viðræðum, draga sig út úr viðræðum eða slíta þeim.

Ég er hins vegar í þeirri stöðu að Alþingi hefur tekið formlega ákvörðun þar sem mér er falið að hafa stjórnskipunarlegt frumkvæði að því að sækja fyrir Íslands hönd um aðild og leiða samninga til lykta. Það verður ekki stöðvar með því að nokkrir þingmenn komi korteri fyrir þinglok fram með tillögu um eitthvað annað.“

Tillagan hlaut ekki brautargengi

Össur bendir í framhaldinu á að fyrir nokkrum mánuðum hafi forsprakki málsins lýst yfir á Alþingi að innan tíðar myndu allir þingmenn stjórnarandstöðunnar leggja fram tillögu á Alþingi um að aðildarumsóknin skyldi dregin til baka. Hún hafi hins vegar ekki komið fram fyrr en korteri fyrir þinglok, þegar forsprökkum málsins hefði vitanlega verið ljóst að málið kæmist ekki á dagskrá.

Össur segir að sér hafi líka fundist athyglisvert að enginn flokkur stjórnarandstöðunnar hafi sett fram kröfu um að tillagan skyldi sett í forgang við afgreiðslu mála á lokaspretti þinghaldsins í sumar.

Rammklofin stjórnarandstaða

„Þannig að ég get ekki séð að það fylgi mikill hugur máli. Alllir flokkar stjórnarandstöðunnar eru rammklofnir í þessu máli. Sjálfum segir mér svo hugur að fylgi við ferlið og umsóknina sé heldur að aukast á Alþingi fremur en að minnka. Það kemur væntanlega í ljós.“

- Á hverju merkirðu þennan aukna stuðning?
 
„Ég þekki þingið.“

Össur Skarphéðinsson utanríkisráðherra.
Össur Skarphéðinsson utanríkisráðherra. mbl.is/RAX
mbl.is

Innlent »

Krefjast þess að karlar taki ábyrgð

08:31 Á fimmta hundrað stjórnmálakonur hafa sent frá sér sameiginlega áskorun þar sem þess er krafist að karlar taki ábyrgð og að stjórnmálaflokkar taki af festu á stöðu mála varðandi kynferðisofbeldi og áreitni í íslenskum stjórnmálum. Meira »

Endurhæfing sjúkra er fundið fé

08:18 Aðeins er hægt að sinna rúmlega helmingi beiðna sem berast frá læknum víðs vegar að af landinu um endurhæfingu skjólstæðinga þeirra á Reykjalundi, að sögn forstjórans þar, Birgis Gunnarssonar. Meira »

Rafmagn komst aftur á um eittleytið

08:16 Rafmagn á Austurlandi var alls staðar komið á aftur um klukkan eitt í nótt en það byrjaði að fara af um einum og hálfum tíma fyrr. Meira »

Stórhríð í Hvalfirði

08:01 Stórhríð er í sunnanverðum Hvalfirði og þæfingsfærð að því er fram kemur á vef Vegagerðarinar. Á Vesturlandi er víða hvasst, en víðast er þó verið að hreinsa vegi í kringum þéttbýli. Brattabrekka er þungfær en þæfingsfærð er á köflum á Snæfellsnesi. Holtavörðuheiði er enn lokuð. Meira »

Gullaldarliðs Akurnesinga verði minnst

07:57 Bæjarráð Akranes hefur falið menningar- og safnanefnd bæjarins til úrvinnslu hugmyndir Gunnars Sigurðssonar um það hvernig bærinn geti minnst frumkvöðla íþróttalífsins á Akranesi. Meira »

Fékk aðsvif og lenti á staur

07:46 Slökkviliðið á höfuðborgarsvæðinu var kallað til um fimmleytið í morgun vegna bíls sem hafði lent á staur við Hringbrautina. Hafði ökumaðurinn fengið aðsvif við aksturinn. Meira »

Veðurviðvaranir enn í fullu gildi

07:19 Veðurstofan vekur athygli á því að viðvaranir eru í gildi víða um land fram eftir degi og austantil fram á laugardag. Útlit er fyrir norðanhvassviðri eða –stormi, næsta sólarhring með snjókomu eða éljagangi á norðan- og austanverðu landinu, roki eða jafn vel ofsaveðri suðaustantil. Meira »

Símalaus sunnudagur Barnaheilla

07:37 „Með símalausum sunnudegi erum við að vekja athygli á því hversu stór hluti símarnir eru orðnir af lífi okkar. Við eyðum oft dýrmætum tíma fjölskyldunnar með símann á lofti.“ Meira »

„Kolófært og slæmt skyggni“

07:05 Björgunarsveitir voru ræstar út á sjöunda tímanum í morgun til að aðstoða bíl sem er fastur í nágrenni Þelamerkur í Hörgársveit. Að sögn lögreglunnar á Akureyri er kolófært og slæmt skyggni í Hörgársveit. Meira »

Bauð 676 milljónir í lóð á Kirkjusandi

06:32 Húsvirki hf. átti hæsta tilboðið í byggingarétt og kaup á íbúðum á lóðinni nr. 1 við Hallgerðargötu á Kirkjusandi. Fyrirtækið bauð 676 milljónir króna. Umhverfis- og skipulagssviðs Reykjavíkurborgar stóð að útboðinu og voru tilboð opnuð í gærmorgun. Meira »

Verbúðirnar verði friðaðar

06:28 Stjórn Faxaflóahafna hefur samþykkt að fela hafnarstjóra að leggja fram tillögu á næsta fundi stjórnar hvernig standa megi að friðun verbúðanna við Geirsgötu þar sem miðað verði við friðun á þeim reit sem húsin standa á eða ytra útliti húsanna. Meira »

Ekki ætti að kjósa um viðhaldsverkefni

06:24 „Ég tel að halda eigi áfram með þetta, en leita allra leiða til að virkja borgarbúa enn frekar til þátttöku,“ segir Halldór Halldórsson, oddviti sjálfstæðismanna í borgarstjórn Reykjavíkur, um íbúalýðræðisverkefnið „Hverfið mitt“ sem Reykjavíkurborg stóð fyrir á netinu. Meira »

Hlutfall einstaklinga í íbúðarkaupum eykst

06:18 Hlutfall einstaklinga í kaupum á íbúðarhúsnæði á höfuðborgarsvæðinu hefur farið hækkandi á síðustu misserum. Það var 93,6% á 3. ársfjórðungi í ár sem er hæsta hlutfallið síðan á 2. fjórðungi 2012. Meira »

Fékk skilorði í kannabissúkkulaðimálinu

06:09 „Ég er ekkert ósátt við dóminn, að sjálfsögðu ber ég ábyrgð á mínum gjörðum eins og annað fullorðið fólk,“ segir Málfríður Þorleifsdóttir, íslensk kona búsett í Danmörku sem í gær var dæmd í sex mánaða skilorðsbundið fangelsi fyrir aðild sína að „kannabissúkkulaðimálinu“. Meira »

Styttist í nýja ríkisstjórn

05:30 „Við teljum að við séum að nálgast það að við getum lent þessu máli,“ segir Katrín Jakobsdóttir, formaður Vinstrihreyfingarinnar – græns framboðs, í samtali við mbl.is í gær. Meira »

Íhuga mál gegn borginni

06:12 Borgarráð Reykjavíkur samþykkti í gær deiliskipulagstillögu um Landsímareit við Austurvöll sem heimilar hótelbyggingu á reitnum. Málið fer til fullnaðarafgreiðslu á borgarstjórnarfundi 5. desember. Meira »

Greiddu offituaðgerð

06:06 Dæmi eru um að stéttarfélög hafi tekið þátt í kostnaði félagsmanna sinna við offituaðgerðir sem gerðar eru á einkareknum stofum. Verkfræðingafélag Íslands hefur greitt 2/3 af kostnaði tveggja félagsmanna við slíkar aðgerðir og fleiri stéttarfélög fá beiðnir um slíkt. Meira »

Símtal Davíðs og Geirs rætt

05:30 Bankaráð Seðlabanka Íslands kom saman til fundar í gær til að ræða birtingu Morgunblaðsins á símtali Davíðs Oddssonar, þáverandi bankastjóra Seðlabankans, og Geirs Haarde, þáverandi forsætisráðherra, frá 6. október 2008. Meira »

Mátturinn eða dýrðin - Greinaflokkur

Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA - NORWEGIAN
START/BYRJA: 30/10, 27/11 - 2018: 8/1, 5/2, 5/3, 2/4, 30/4, 28/5, 25/6.(HOLIDAY...
 
Eldri borgarar
Staður og stund
Aflagrandi 40 Opin vinnustofa kl. 9 og g...
Félagsstarf
Staður og stund
Aflagrandi 40 Opin vinnustofa kl. 9, for...
Eldri borgarar
Staður og stund
Aflagrandi 40 Opin vinnustofa kl. 9 og j...
Skipulag
Tilkynningar
Borgarbyggð Skipulagsauglýsingar Sv...