Umferð hleypt á nýja brú yfir Hvítá í október

Austara haf nýrrar brúar yfir Hvítá hjá Flúðum verður steypt í ágúst. Þegar steypan hefur fengið sinn tíma til að harðna og lokið hefur verið frágangi við mannvirkið verður hægt að hleypa umferð á.

Verktakinn býst við að það geti orðið í október, heldur fyrr en samið var um. Jarðvinna er á undan áætlun og hefur því minni áhersla verið á hana að undanförnu. Vegurinn vestan við brúna er að mestu tilbúinn og austari kaflinn langt kominn, segir í Morgunblaðinu í dag.