Spillingareinkunn Íslands lækkar

Ísland er í 11. sæti á nýjum lista stofnunarinnar Transparency International þar sem löndum er raðað eftir því hvort spilling er talin þrífast innan þeirra. Danmörk, Nýja-Sjáland og Singapúr deila efsta sætinu að þessu sinni en þar er minnsta spillingin að mati Transparency International.

Þær þjóðir, sem nú eru í 1. sæti, fá einkunnina 9,3 en gefnar eru einkunnir frá 10 niður í 0.  Transparency International segir, að einkunnir yfir 9 endurspegli pólitískan stöðugleika, rótgrónar opinberar stofnanir og góða löggjöf.

Árið 2006 var Ísland í 1. sæti lista stofnunnarinnar. Árið 2007 fór Ísland niður í 6. sætið, var í 7. sæti árið 2008 og í 10. sæti í fyrra.  Einkunn Íslands hefur lækkað jafnt og þétt, var 9,6 árið 2006, 9,2 árið 2007, 8,9 árið 2008, 8,7 í fyrra og 8,5 nú.

Þær þjóðir, sem eru neðst á listanum nú, eru  Írak, með einkunnina 1,5, Afganistan og Búrma, með 1,4, og Sómalía með einkunnina 1,1.

Þau lönd þar sem spilling er minnst í heiminum eru þessi að mati Transparency International:

1. Danmörk, einkunn 9,3
2. Nýja-Sjáland 9,3
3. Singapúr 9,3
4. Finnland 9,2
5. Svíþjóð 9,2
6. Kanda 8,9
7. Holland 8,8
8. Ástralía 8,7
9. Sviss 8,7
10. Noregur 8,6
11. Ísland 8,5
12. Lúxemborg 8,5
13. Hong Kong 8,4
14. Írland 8,0
15. Austurríki 7,9
16. Þýskaland 7,9
17. Barbados 7,8
18. Japan 7,8
19. Katar 7,7
20. Bretland 7,6.

Vefur Transparency International

• 10 blogg um fréttina

Bloggað um fréttina

• Björgvin Guðmundsson: Ísland lækkar á spillingarlista
• Jenný Stefanía Jensdóttir: Mælistikur að verða raunhæfari.
• Kristbjörg Þórisdóttir: Þurfa frambjóðendur til stjórnlagaþings ekki að gefa upp hagsmunatengsl sín?
• Haraldur Haraldsson: Ísland lækkar á spillingarlista/Þetta bara nokkuð góð úkoma af þjóð …
• Billi bilaði: Ísland lækkar á spillingarleysislista
• Ástþór Magnússon Wium: Stjórnlagaþing og spillingin
• Pétur Óli Jónsson: Meiri spilling?
• Jakobína Ingunn Ólafsdóttir: Hverjir voru spurðir?
• Sigurður Haraldsson: Þetta er ég að segja ykkur!
• Ómar Ragnarsson: Sama bullið áfram?