Aðeins einn af hverjum sex fulltrúum launafólks í stjórnum lífeyrissjóða er kona. Nokkru fleiri konur eru hins vegar fulltrúar atvinnurekenda í stjórnum sjóðanna.
Þar er skiptingin 67% karlar og 33% konur, en þetta kemur fram í kynjabókhaldi ASÍ sem birt var á ársfundi sambandsins á dögunum.
Kynjahlutfall fulltrúa stéttarfélaganna í stjórnum lífeyrissjóða hefur verið óbreytt frá 2008 og er engin kona í stjórn fyrir hönd launafólks í fimm af níu sjóðum, að því er fram kemur í Morgunblaðinu í dag.