Mikið af hval, hnísum og háhyrningum hefur verið inni í Grundarfirði í gær og dag en þar er einnig allt morandi í síld.
Hafsteinn Garðarsson, hafnarvorður í Grundarfirði segir við vef Skessuhorns að hann hafi talið um tuttugu hvali við bryggjuna í gær og þeir séu ekki færri í dag. Segir hann að hvalirnir hafi nóg æti í firðinum, jafnvel enn meira í Kolgrafarfirði, og þess vegna sæki þeir svo nálægt landi.
Hafsteinn segir að margt fólk hafi safnast saman við bryggjuna til að fylgjast með hvölunum sem sjáust greinilega frá höfninni.