Undirskriftir gegn Icesave

Undirskriftasöfnun gegn nýju Icesave-frumvarpi er hafin á netinu á vefsíðunni kjosum.is. Undirskriftirnar eru orðnar nærri 2.500 talsins.

Þar kemur  fram að samtökin Samstaða gegn Icesave standi á bak við undirskrifasöfnunina. Það eru „samtök fjölmargra sem stofnuð eru til þess að berjast gegn því að Ríkissjóður Íslands taki á sig ábyrgð á Icesave- innlánsreikningum Landsbankans í Bretlandi og Hollandi.

Samtökin hafa hrint af stað undirskriftasöfnun til að skora á forseta Ísland að staðfesta ekki ný lög sem fela í sér ábyrgð ríkissjóðs á Icesave og vísa þeim til þjóðarinnar,“ eins og segir á vefsíðunni.

Hópurinn sem stendur að baki Samstöðu þjóðar verður kynntur á blaðamannafundi í Þjóðmenningarhúsinu á mánudaginn kemur kl. 11.00.

• 4 blogg um fréttina

Bloggað um fréttina

• Guðrún María Óskarsdóttir.: Ég vil sjá hver stendur að þessari undirskriftasöfnun, áður en …
• Úrsúla Jünemann: Að borga skuldir
• Friðgeir Sveinsson: Hrein móðgun að skrifa undir Icesave meðan Landsbankamenn ganga lausir.
• ÞJÓÐARHEIÐUR - SAMTÖK GEGN ICESAVE: Menn skora á þingið og forsetann að samþykkja ekki Icesave-frumvarpið