Forseti ASÍ gagnrýnir kjararáð

Gylfi Arnbjörnsson, forseti ASÍ, gagnrýnir þá ákvörðun kjararáðs að dómarar við Hæstarétt Íslands og Héraðsdóm Reykjavíkur fái 100 þúsund króna launahækkun á mánuði næstu tvö árin vegna aukins álags.

Gylfi segist í tilkynningu furða sig á þessari ákvörðun kjararáðs þar sem Alþingi hafi nýlega tekið ákvörðun um fjölgun dómara  bæði hjá héraðsdómi og Hæstarétti.
 
„Eins og þetta blasir við mér er kjararáð að fara út fyrir valdsvið sitt. Alþingi er nýbúið að taka ákvörðun um fjölgun dómara og aðstoðarmanna til þess einmitt að mæta auknu álagi. Því hlýtur maður að spyrja sig hvort kjararáð hafi yfirhöfuð umboð til að fara gegn þeirri ákvörðun Alþingis? Ég sé ekki betur en að með þessu þurfi dómstólarnir að fækka dómurum aftur til að mæta þessari launahækkun. Menn hljóta að verða halda sig innan ramma fjárlaga þar eins og annars staðar,“ segir Gylfi í tilkynningunni.
 

• 6 blogg um fréttina

Bloggað um fréttina

• Sigurður Jónsson: Hvað segir Vilhjálmur núna? Lítill hópur skapar fordæmi um launahækkanir.
• Axel Jóhann Axelsson: ASÍ ætti að styðja dómara í launamálunum
• Björgvin Guðmundsson: ASÍ gagnrýnir kjararáð
• Jón Snæbjörnsson: Nú skjálfa beinpípurnar í buxnaskálmunum á þessu fólki í kjararáði …
• Axel Jóhann Hallgrímsson: Hver vakti Gylfa?
• Gunnar Heiðarsson: Gylfi er gjörsamlega búinn að missa sig !!