Treysta Landhelgisgæslu, lögreglu og HÍ

Landhelgisgæslan, lögreglan og Háskóli Íslands njóta mests traust þeirra 15 stofnana sem Capacent Gallup spurði um í árlegri könnun á því trausti, sem borið er til stofnana.

Fjallað er um könnunina á vef Ríkisútvarpsins. Þar kemur fram að Landhelgisgæslan nýtur traust 89% landsmanna, lögreglan 80% og Háskóli Íslands 76%, sem er sama tala og í fyrra. 74% segjast treysta heilbrigðiskerfinu og 69% embætti sérstaks saksóknara.

Um þriðjungur þátttakenda, eða 33%, sögðust treysta þjóðkirkjunni.  16% sögðust treysta borgarstjórn Reykjavíkur og 12% sögðust treysta Alþingi. 6% sögðust síðan treysta bankakerfinu. 

Vefur Ríkisútvarpsins

• 2 blogg um fréttina

Bloggað um fréttina

• Guðjón Petersen: Traust
• Sigurður Ingi Jóhannsson: En fjölmiðlum?