Innlent | Morgunblaðið | 2.3.2011 | 5:30 | Uppfært 5:52

Anna ekki eftirspurn

Atli Georg Árnason, framkvæmdastjóri Þörungaverksmiðjunnar á Reykhólum, og Bjarni Ásmundsson skipatæknifræðingur, ráðgjafi Þörungaverksmiðjunnar við breytingar á Fossánni, á Akureyri í gær. mbl.is/Kristján

Reiknað er með að Fossá, nýtt skip Þörungaverksmiðjunnar á Reykhólum, geti tvöfaldað öflunargetu verksmiðjunnar.

Slippurinn á Akureyri er að ljúka breytingum á skipinu og verður það afhent eftir reynslusiglingar í lok mánaðarins.

Í umfjöllun um þörungavinnsluna í Morgunblaðinu í dag kemur fram, að unnið sé að ýmsum breytingum í verksmiðjunni til að auka afköst, en fyrirtækið annar ekki vaxandi eftirspurn. Atli Georg Árnason, framkvæmdastjóri, vonast til að framleiðsla fyrirtækisins tvöfaldist á næstu árum.