Atli situr ekki í umboði kjósenda VG

Stjórn Vinstrihreyfingarinnar- græns framboðs í Vestmannaeyjum segist líta svo á að Atli Gíslason alþingismaður sitji ekki lengur í umboði kjósenda VG í Suðurkjördæmi eftir að hann tók ákvörðun um að segja sig úr þingflokki VG.

Í ályktun frá stjórn VG í Eyjum er lýst yfir miklum vonbrigðum með þá ákvörðun Atla Gíslasonar þingmanns í Suðurkjördæmi að segja sig úr þingflokki VG.

„Með úrsögninni telur stjórnin að Atli sitji ekki lengur á Alþingi í umboði kjósenda VG í kjördæminu. Þess vegna skorar stjórnin á Atla að segja af sér þingmennsku svo varamaður hans geti tekið sæti á Alþingi,“ segir í ályktun frá stjórninni.

Stjórn VG í Vestmannaeyjum ítrekar fullan stuðning sinn við ríkisstjórn Vinstri grænna og Samfylkingar og lýsir yfir ánægju með þann árangur sem náðst hefur á fjölmörgum sviðum þjóðmála.

• 6 blogg um fréttina

Bloggað um fréttina

• Arnþór Helgason: Atli féll á eigin bragði
• Sædís Ósk Harðardóttir: Atli situr akkúrat í umboði kjósenda Vg
• Hjörleifur Harðarson: umboðsleysi vinstri grænna er alveg ljóst
• Heimir Hilmarsson: Þráinn situr þá umboðslaus í þingflokki VG
• Jón Ingi Cæsarsson: Umboðslausir þingmenn ættu að víkja.
• Reynir W Lord: Jafnt að ganga yfir alla...