Innlent | mbl | 21.5.2011 | 18:45 | Uppfært 20:59

Gos að hefjast i Grímsvötnum

Mökkurinn sást vel frá Laugarvatni í kvöld. mbl.is/GSH

Allt bendir til þess að eldgos sé að hefjast við Grímsvötn. Greinilegur gosórói kom fram á mælum Veðurstofunnar um kl. 18. „Það bendir allt til þess að það sé að hefjast eldgos á þessu svæði,“ sagði Hjörleifur Sveinbjörnsson jarðfræðingur á Veðurstofunni.

Hjörleifur sagði að óróinn kæmi fram á mælum Veðurstofunnar víða um land og bæri þess öll merki að gos væri hafið. „Þetta er dæmigerð gosóróahegðun.“

Jarðfræðingar hafa búist við gosi í Grímsvötnum allt þetta ár og því kemur gosið ekki á óvart. Hjörleifur sagðist ekki hafa nákvæmar upplýsingar um hversu mikið vatn væri í sigkatlinum í Grímsvötnum. Hann sagði að búast mætti við flóði niður á Skeiðarársand í kjölfar goss. Menn ættu hins vegar eftir sjá að betur staðsetninguna á gosinu áður en hægt væri að meta hvenær jökulflóð hefst.

Hjörleifur sagði að búið væri að virkja viðbúnaðarkerfi. „Það er allt farið í gang eins og um gos sé að ræða. Það er búið að senda viðvörun út til Englands þannig að flugrekendur geti breytt flugi.“

Tilkynning barst frá Almannavörnum um kl. 19. Þar segir: „Nú á sjöunda tímanum í kvöld komu fram merki á jarðskjálftamælum um að eldgos gæti verið að hefjast eða er hafið í Grímsvötnum í Vatnajökli.
Samhæfingarstöðin í Skógarhlíð hefur verið vikjuð vegna þessa. Frekari upplýsingar verða gefnar um leið og þær berast.“

Kortið sýnir að jarðskjálftar komu fram á mælum um allt land.

Línuritið sýnir að um kl. hófst gosórói við Grímsvötn.

Innlent »

Guðni Páll réri frá Bolungarvík í dag

Guðni Páll leggur af stað frá Bolungarvík í dag.

Í gær, 23:21 Guðni Páll Viktorsson, sem er þessa stundina á hringferð í kringum landið á kajak, lagði af stað frá Bolungarvík í dag. Hann stefndi að því að gista í Látrum í Aðalvík í nótt áður en hann heldur áfram á föstudaginn yfir í Hornvík, ef veður leyfir. Þar mun hann hvílast og safna kröftum áður en hann rær fyrir Hornbjarg, en sá kafli leiðarinnar er nokkuð erfiður. Meira

Útkall vegna örbylgjupopps

Í gær, 22:01 Tilkynnt var um reykjarlykt í Menntaskólanum við Hamrahlíð upp úr klukkan átta í kvöld auk þess sem brunavarnakerfi skólans fór í gang. Þegar slökkviliðsmenn komu á vettvang reyndist hins vegar talsvert minni hætta á ferðum en óttast var. Meira

Sundlaug og skóli í Úlfarsárdal

Í gær, 22:01 Í hönnunarsamkeppni sem samþykkt var á síðasta fundi borgarráðs er gert ráð fyrir nýjum leik- og grunnskóla, sundlaug og íþróttahúsi fyrir Grafarholt og Úlfarsárdal. Gert er ráð fyrir sundlaug með útisvæði og heitum pottum opnum almenningi og jafnframt lítilli innilaug. Meira

Viðtal við meintan barnaníðing

Sölvi Tryggvaon þáttastjórnandi Málsins á Skjá einum undirbýr næstu þætti og vill gjarnan fá góðar ...

Í gær, 21:39 „Oft koma bestu sögurnar ekki þegar maður leitar að þeim sjálfur heldur þegar einhver kemur með þær til manns,“ Sölvi Tryggvason, þáttastjórnandi Málsins. Fyrsti þáttur Málsins um kynferðislegt ofbeldi gegn börnum er orðinn aðgengilegur á netinu, þátturinn var sýndur á Skjá einum í vetur. Meira

Kann að kosta Ísland þúsund störf

Í gær, 19:34 Þýska Bertelsmann-stofnunin telur að náist fríverslunarsamningar á milli Evrópusambandsins og Bandaríkjanna kunni það að leiða til fjölda nýrra starfa í ríkjum sambandsins og Bandaríkjanna sem og launahækkunar. Meira

Veikar reglur og spillt stjórnvöld

Í gær, 18:09 „Íslendingar eru líkast til móttækilegastir allra þjóða fyrir þeirri fullyrðingu að eina birtingarmynd skipulagðrar glæpastarfsemi megi finna í bönkum,“ sagði David O. Friedrichs, prófessor í félags- og afbrotafræði við Scranton-háskóla í Pennsylvaníu, á hádegisfyrirlestri í Háskóla Íslands í dag. Meira

160 taktmælar komnir í hús

Í gær, 20:15 „Við erum eiginlega komin í hálfgerð vandræði,“ segir Víkingur Heiðar Ólafsson, listrænn stjórnandi Reykjavík Midsummer Music, sem hefst á morgun. Hann óskaði eftir að fá 100 gamaldags taktmæla lánaða hjá þjóðinni, viðbrögðin voru slík að um 160 slíkir höfðu skilað sér í hús um hádegisbil í dag. Meira

Margir syntu Fossvogssund

Í gær, 18:33 Hið árlega Fossvogssund fór fram í golu og lítilsháttar rigningu í dag. Synt var frá Nauthólsvík og yfir voginn til Kópavogs. Sjósunds- og sjóbaðsfélag Reykjavíkur stóð fyrir sundinu fjórða árið í röð, en sjósund er að sögn Ragnheiðar Valgarðsdóttur, formanns félagsins, gott fyrir líkama og sál. Meira

„Ekki seinna vænna eftir 30 ár“

Í gær, 17:24 „Ég hef bara gaman af því að spreyta mig á þessu. Það voru nú einhverjir að segja að það væri ekki seinna vænna eftir 30 ár á þingi að setjast í forsetastól. Þannig að ég hef bara gaman af því eins og öllu öðru. Þetta er enn eitt hlutverkið sem ég hef þá prófað hér á langri þingsetu.“ Meira

Fyrsta langreyðurin komin til hafnar

Kristján Loftsson,framkvæmdastjóri Hvals hf., ásamt langreyðinni sem var veidd vestur af landinu í gær.

Í gær, 16:17 „Hann lítur bara vel út,“ sagði Kristján Loftsson, framkvæmdastjóri Hvals hf., en hvalveiðiskipið Hvalur 8 lagðist að bryggju við Hvalstöðina í Hvalfirðinum um fjögur í dag með fyrsta stórhvalinn sem veiddur var á þessari vertíð. Langreyðurin var 63 feta tarfur og var veidd vestur af landinu í gær Meira

Caritas samþykkt en Lady hafnað

Í gær, 16:12 Mannanafnanefnd hefur samþykkt níu nöfn í tveimur úrskurðum sem voru kveðnir upp dagana 6. júní og 16. maí sl., m.a. eiginnöfnin Caritas, Addú og Þollý og millinafnið Logn. Eina nafnið sem nefndin hafnar að þessu sinni er eiginnafnið Lady. Meira

Ferð Herjólfs fellur niður

Í gær, 16:12 Vegna ölduhæðar (2,8 m) í Landeyjahöfn fellur næsta ferð Herjólfs niður frá Vestmannaeyjum kl. 17:30 og frá Landeyjahöfn kl. 19:00. Meira

Sigmundur fundar með Reinfeldt

Í gær, 15:46 Forsætisráðherra, Sigmundur Davíð Gunnlaugsson, á fund með Frederik Reinfeldt, forsætisráðherra Svíþjóðar, á morgun, 19. júní. Meira

Velferðin grundvallast á hagvexti

Eygló Harðardóttir félags- og húsnæðismálaráðherra.

Í gær, 15:38 Bjarni Benediktsson, fjármála- og efnahagsráðherra, sagði í óundirbúnum fyrirspurnatíma á Alþingi í dag að fyrst og fremst þyrfti ný störf til að skapa hagvöxt til að loka fjárlagagatinu. Þetta sagði Bjarni við fyrirspurn Árna Páls Árnasonar, formanns Samfylkingarinnar. Meira

Sjö knapar komnir í landsliðið

Eyjólfur Þorsteinsson, Rúna Einarsdóttir, Hafliði Halldórsson, Jakob S. Sigurðsson, Viðar Ingólfsson, Hinrik Bragason, Teitur Árnason, ...

Í gær, 15:28 Sjö knapar tryggðu sér þátttökurétt á Heimsleikum íslenska hestsins í Berlín í ágúst á úrtökumóti sem lauk um helgina. Mótið gekk vel eftir að því var frestað og flutt á annan völl. Liðið er ekki fullskipað og á enn eftir að velja tvö ungmenni og þrjá fullorðna. Meira

Hundar notaðir í lestrarþjálfun barna

Í gær, 15:41 Samtökin Vigdís – Vinir gæludýra á Íslandi verða stofnuð á morgun og er fyrsta verkefni þeirra að koma á fót hér á landi lestrarverkefni þar sem hundar eru í aðalhlutverki. Meira

Gatnamót Sæbrautar-Holtavegs lokuð

Í gær, 15:37 Í kvöld er stefnt að því að malbika gatnamót Sæbrautar-Holtavegs og Sæbraut til suðurs. Vinnan hefst rétt norðan við gatnamót Sægarða og Sæbrautar og endar við gatnamót Sæbrautar og Holtavegs. Meira

Lögreglan óskar upplýsinga um ökumenn

Í gær, 15:21 Lögreglan á höfuðborgarsvæðinu óskar eftir að ná tali af ökumanni jeppabifreiðar með eftirvagn sem hugðist hleypa fólki á hestum yfir Vatnsendaveg fimmtudaginn 13. júní er annarri grárri fólksbifreið var ekið fram úr jeppanum við gangbraut til móts við hesthúsahverfið. Meira