Reðasafnið til Reykjavíkur

Síðustu vertíð Reðasafnsins á Húsavík lýkur brátt, en þann 10. september verður húsinu lokað, öllum reðrum pakkað niður og þeir fluttir í ný heimkynni á höfuðborgarsvæðinu.

„Ég er búinn að fá nóg, ég er orðinn gamall,“ segir stofnandi og eigandi safnsins. Sigurður Hjartarson. „Sonur minn tekur við og ætlar að flytja safnið á höfuðborgarsvæðið, væntanlega til Reykjavíkur.“

Sigurður segir ástæðuna ekki vera minnkandi aðsókn og áhuga á safninu, gestum þess hafi þvert á móti fjölgað undanfarna mánuði og þakkar hann það nýjasta safngripnum, sem er reður Páls Arasonar sem ánafnaði safninu þennan hluta líkama síns við andlát sitt.

„Íslendingum hefur fjölgað á safninu og ég geri ráð fyrir að Páll hafi aukið aðsóknina,“ segir Sigurður.

Safnið var opnað í Reykjavík árið 1997, en hefur verið til húsa á Húsavík frá 2004.

• 4 blogg um fréttina

Bloggað um fréttina

• Ingibjörg Magnúsdóttir: Safnið algjör snilld
• Jóhann Elíasson: EKKI NÓGU OG MIKIL REISN YFIR SAFNINU....................
• Ólafur Ragnarsson: " til að dáðst að"
• Sigurður Haraldsson: Hvað næst?