Hvalasérfræðingur Hafrannsóknastofnunar gagnrýnir að langreyður á norðurhveli sé sett á válista.
„Í raun er það bæði óvenjulegt og óvísindalegt að flokka langreyði sem eina heild um allan heim því almennt fer vísindaleg stjórnun fram á grundvelli stofna en ekki tegunda. Þetta er sambærilegt við það ef þorskstofninn við Kanada lenti í lægð og slíkt kallaði á alfriðun þorsks við Ísland,“ segir Gísli Víkingsson um þetta mál í Morgunblaðinu í dag.