Innlent | mbl | 28.9.2011 | 15:12

Vill fresta viðræðum í 18-24 mánuði

Sigmundur Davíð Gunnlaugsson, formaður Framsóknarflokksins.

Sigmundur Davíð Gunnlaugsson, formaður Framsóknarflokksins, lagði til á fundi í Háskóla Íslands í dag að umsókn Íslands um aðild að Evrópusambandinu yrði sett í bið í 18-24 mánuði á meðan Ísland tæki til í sínum málum. Að þessum tíma liðnum væri líka betur ljóst hvernig ESB hefði gengið að vinna úr sínum málum.

Sigmundur Davíð sagði að ekki hefði verið lagt af stað í aðildarviðræður á réttum forsendum. Málið hefði verið lagt þannig upp að það myndi ekki gagnast Íslandi eða Evrópusambandinu. Menn hefðu valið versta hugsanlegan tíma til að sækja um. Ekki hefði verið sótt um á grundvelli ítarlegrar umræðu um kosti og galla aðildar.

Sigmundur Davíð sagði að eftir að sótt var um aðild hefði ýmislegt breyst. ESB gengi í gegnum mikla og alvarlega krísu og ljóst að aðeins tvennt gæti gerst, að ESB þróaðist í átt til sambandsríkis eða að það gliðnaði í sundur.

Sigmundur Davíð vitnaði til orða Roberts Atkins, sem á sæti á Evrópuþinginu, en hann sagðist hafa áhyggjur af umsókn Íslands. Niðurstaða hans væri að Íslendingar ættu að biðja um að frestun á viðræðum við ESB í 18-24 mánuði. Íslandi ætti að nota tímann til að koma sínum málum í lag. Að þeim tíma liðnum ættu Íslendingar að taka afstöðu til umsóknarinnar í þjóðaratkvæðagreiðslu. Ef samþykkt yrði að halda áfram væri komið það umboð sem umsókn Íslands hefði skort.

Sigmundur Davíð sagðist áður hafa lýst sömu viðhorfum til umsóknarinnar. „Það að leggja þessa umsókn til hliðar hentar í raun og veru öllum. Við vitum að það stendur ekki til að setja þetta í þjóðaratkvæðagreiðslu næstu misserin. Utanríkisráðherra er búinn að lýsa því yfir sjálfur að það sé langt í að Íslendingar greiði um þetta atkvæði og í millitíðinni verði ESB orðið sterkara en nokkru sinni fyrr,“ sagði Sigmundur Davíð.

Hann sagði alveg ljóst að það væru einhver ár í að við greiddum atkvæði um samning um aðild. Hann spurði hvers vegna við ættum að hafa alla samfélagsumræðu á Íslandi í heljargreipum þannig að við gætum ekki tekið ákvörðun um grundvallaratriði án þess að umsókn um ESB blandaðist alltaf inn í það.

Innlent »

Loðnuhrognavinnsla hjá HB Granda Akranesi

Styttist í hrognafrystingu

20:02 Góður kraftur hefur verið í loðnuveiðum síðustu tvær vikur og nú styttist í að hrognafyllingin í loðnunni og þroski hrognanna gefi tilefni til að hægt verði að hefja hrognatöku og –frystingu. Meira

Skafrenningur á Austurlandi

19:03 Hríð á flestum fjallvegum á Vestfjörðum og Norðurlandi. Gera má ráð fyrir þéttri ofankomu og skafrenningi austanlands fram á nótt s.s. á Oddsskarði og Fjarðarheiði. Þetta kemur fram í tilkynningu frá Vegagerðinni. Meira

Oddskarð lokað vegna slyss

20:22 Vegurinn um Oddskarð er lokaður vegna umferðaróhapps, samkvæmt upplýsingum frá Vegagerðinni. Meira

Fundaði með fulltrúum sveitarfélaga

19:01 Jóhanna Sigurðardóttir, forsætisráðherra, fundaði í dag með fulltrúum forsvarsmanna landhlutasamtaka sveitarfélaga. Ræddi hún á fundinum um hvaða kostir eru í stöðunni varðandi verkefni á landsbyggðinni. Meira

Vilja lækka olíugjald

18:32 Þingmenn Sjálfstæðisflokksins leggja í dag fram frumvarp til laga þar sem lagt er til að olíugjald verði lækkað umtalsvert. Meira

Perlan fái hlutverk við hæfi

20:15 Hugmyndir um að Perlan hýsi Náttúruminjasafn Íslands, sem lög gera ráð fyrir að rísi, hafa hlotið mikinn byr að undanförnu. Árni Hjartarson, formaður Hins íslenska náttúrufræðifélags, segir að samskipti við stjórnarformann OR hafi verið afar jákvæð og að margir hafi tekið undir hugmyndina. Meira

Leitar hjálpar vegna Aratúns-dóms

Aratúnið Málið spratt upp eftir skrif um Aratúnsfjölskylduna á bloggsíðu.

18:33 „Þetta er klárlega prófmál og mun hafa áhrif á önnur mál í framtíðinni þar sem einhver er ósáttur við ummæli á netinu," segir Andrés Helgi Valgarðsson, sem tapaði í vetur meiðyrðamáli vegna s.k. Aratúnsmáls. Andrés hyggst áfrýja til Hæstaréttar en ræður illa við málskostnaðinn og leitar eftir aðstoð Meira

Unglingspilts enn leitað

18:19 Lögreglan á höfuðborgarsvæðinu ítrekar lýsingu eftir Guðmundi Árnasyni, sem hvarf er hann var á ferð í Kópavogi þann 17. febrúar sl. Meira

Ósáttur við að vera þjófkenndur

18:17 Guðmundur Gústafsson, einn þeirra sem voru í hópi jeppamanna í skála Ferðafélagsins í Landmannalaugum um helgina, er afar ósáttur við að hópurinn sé þjófkenndur en gps-staðsetningartæki var stolið í skálunum um helgina. Meira

Verslunarstjóri dæmdur fyrir umboðssvik

16:37 Hæstiréttur dæmdi í dag fyrrverandi verslunarstjóra BYKO á Selfossi í 3 mánaða skilorðsbundið fangelsi fyrir að umboðssvik. Maðurinn var talinn hafa komið því til leiðar að fyrirtækið 5x fékk afhentar vörur frá versluninni árið 2007 án þess að staðgreiða þær. Meira

Fær frest til þriðjudags

Gunnar Andersen, forstjóri Fjármálaeftirlitsins.

17:44 Stjórn Fjármálaeftirlitsins hefur samþykkt að veita Gunnari Andersen, forstjóra FME, lengri frest til þess að andmæla fyrirhugaðri uppsögn. Aðalsteinn Leifsson, stjórnarformaður FME, segir að Gunnar fái frest til klukkan 16 næstkomandi þriðjudags. Meira

„Enginn greiði gerður með þessu klúðri“

16:37 „Það er öllum að verða augljóst að málsmeðferð þessa máls er klúður,“ segir Sigurður Ingi Jóhannsson, þingmaður Framsóknarflokksins, á Facebook-síðu sinni í dag um afgreiðslu Alþingis á frumvarpi stjórnlagaráðs að nýrri stjórnarskrá. Meira

Leiga í félagslegu húsnæði hækkaði um 28%

16:32 Verð á húsaleigu fyrir félagslegar íbúðir hækkaði um 28,6% á tímabilinu 2007 til 2011. 14.055 fengu húsaleigubætur á síðasta ári og 3.756 fengu sérstakar húsaleigubætur. Þetta kemur fram í svari velferðarráðherra við fyrirspurn Birkis Jóns Jónssonar alþingismanns. Meira

Svartir sauðir á hálendinu

16:27 Stjórn Ferðafélags Íslands íhugar að loka öllum skálum félagsins yfir vetrartímann vegna slæmrar umgengni í þeim. Um liðna helgi voru þrír hópar í skála Ferðafélagsins í Landmannalaugum og var lítill svefnfriður í skálanum vegna skrílsláta eins hópsins. Meira

Vilja starfshóp um póstverslun

16:03 Ellefu þingmenn úr fjórum flokkum hafa lagt fram þingsályktunartillögu um að fela forsætisráðherra að setja á fót starfshóp sem athugi þróun og regluverk í póstverslun hér og erlendis og geri tillögur um lagabreytingar og aðrar ráðstafanir til að skapa póstverslun viðeigandi samkeppnisstöðu. Meira

Lýsa eftir ræningja

16:30 Lögreglan á Akureyri óskar eftir aðstoð almennings við að hafa uppi á manni sem framdi rán í Fjölumboðinu við Geislagötu á Akureyri í hádeginu í dag. Um er að ræða spilastað Gullnámunnar. Maðurinn komst af vettvangi með eitthvað af fjármunum úr sjóðsvél staðarins. Meira

Mæling á PSA ekki áreiðanleg

16:16 Mæling á PSA-mótefni í blóði gefur ekki nægilega áreiðanlegar upplýsingar til að hægt sé að mæla með aðferðinni til skimunar eftir krabbameini í blöðruhálskirtli. Þetta kemur fram í tilkynningu frá Landlækni. Meira

Icesave hefði sett Ísland á hausinn

16:00 Formaður Framsóknarflokksins, Sigmundur Davíð Gunnlausson, sagði á Alþingi í dag að skýrsla Hagfræðistofnunar Háskóla Íslands um afföll íbúðarlána og kostnað við niðurfærslu lána staðfesti það, væru forsendur hennar réttar, að ef Icesave-samningarnir sem ríkisstjórnin hefði reynt að koma í gegn hefðu verið samþykktir hefði það leitt til gjaldþrots íslenska ríkisins. Meira