Lögregla rannsakar nú umfangsmikinn innflutning á fíkniefnum, en fyrr í þessum mánuði lagði lögregla hald á fíkniefni sem flutt voru til landsins með flutningaskipi sem var að koma frá Hollandi. Tveir hafa verið handteknir vegna málsins.

Þetta kom fram í fréttum Stöðvar tvö í kvöld. Karlmaður á fimmtugsaldri var handtekinn í Leifsstöð í nótt grunaður um aðild að málinu.  Annar maðurinn hefur verið handtekinn grunaður um að hafa tekið þátt í innflutningnum.

Í frétt Stöðvar tvö segir að um sé að ræða innflutning á tugum kílóa af fíkniefnum, meðal annars e-pillum, kókaíni, amfetamíni og sterum.

Í fréttatilkynningu frá lögreglu segir: „Karl á fimmtugsaldri hefur verið úrskurðaður í gæsluvarðhald til 11. nóvember að kröfu lögreglunnar á höfuðborgarsvæðinu vegna gruns um aðild að innflutningi á umtalsverðu magni af fíkniefnum og sterum. Karl á sextugsaldri er í haldi lögreglu vegna sama máls en sá var handtekinn 10. október og úrskurðaður í gæsluvarðhald til 8. nóvember. Fíkniefnin og sterararnir sem um ræðir fundust við leit lögreglu og tollgæslu í gámi sem kom til landsins 10. október. Rannsókn málsins hefur staðið yfir í alllangan tíma og hefur verið unnin í samvinnu við tollgæsluna. Yngri maðurinn hefur áður komið við sögu hjá lögreglu. Ekki er hægt að veita frekari upplýsingar um málið að svo stöddu.“

Tengdar fréttir

Straumsvíkurmálið

Framtíðarhorfur áliðnaðar skipti miklu máli

• Aðeins sakfelldir fyrir sterana
• Dómur fallinn í Straumsvíkurmálinu
• Mikið undir í Straumsvíkurmáli
• Þungra dóma krafist

» Fleiri tengdar fréttir

• 1 blogg um fréttina

Bloggað um fréttina

• Camel: Lögreglan stendur sig vel, verður framhald á ?