Björn gefur ekki upp afstöðu sína

Björn Bjarnason, fyrrum ráðherra, segir að ákvörðun Hönnu Birnu Kristjánsdóttur um að bjóða sig fram til formanns Sjálfstæðisflokksins komi honum ekki á óvart. Hann muni láta afstöðu sína í ljós með atkvæði á landsfundinum.

„Ég sé að Hanna Birna Kristjánsdóttir hefur ákveðið að bjóða sig fram til formennsku í Sjálfstæðisflokknum. Það kemur mér ekki á óvart. Megi kosningabaráttan verða flokknum og góðum málstað til framdráttar. Fjölmiðlar senda mér spurningar um afstöðu mína til frambjóðenda. Hana mun ég láta í ljós með atkvæði mínu á landsfundinum," skrifar Björn á vef sinn í kvöld.

• 3 blogg um fréttina

Bloggað um fréttina

• Sigurður Þorsteinsson: Framboð til formanns?
• Rakel Sigurgeirsdóttir: Að horfa undan því sem máli skiptir
• Svanur Gísli Þorkelsson: Guðfaðirinn brosir