Innlent | Morgunblaðið | 25.1.2012 | 7:15 | Uppfært 1.2.2012 21:48

Enn stjórnlaust í Kópavogsbæ

Þótt enginn sé meirihlutinn þarf enn að stýra bæjarfélaginu. Síðdegis í gær var haldinn fundur í bæjarstjórn Kópavogs. mbl.is/Árni Sæberg

Nýr meirihluti hefur enn ekki verið myndaður í Kópavogi. Bæjarfulltrúar tala um snúna stöðu, tillaga hefur komið upp um samstarf allra flokka og bæjarstjóranum hefur enn ekki verið sagt formlega upp störfum, þrátt fyrir að henni hafi verið tilkynnt fyrir tæpum tveimur vikum að hún nyti ekki lengur trausts.

Framsókn bíður á hliðarlínunni og bæjarfulltrúar Samfylkingarinnar hafa látið neikvæð orð falla um mögulegt samstarf við Sjálfstæðisflokkinn við litla hrifningu þeirra síðarnefndu.

„Þetta er snúin staða,“ segir Hafsteinn Karlsson, bæjarfulltrúi Samfylkingarinnar, en flokkurinn hefur lýst yfir bandalagi við VG. „Bæjarstjórnin er stefnulaus eins og hún er nú.“ Hann segir viðræður við Sjálfstæðisflokkinn liggja beinast við, en á fundi Samfylkingarinnar í Kópavogi í fyrradag var talað um Sjálfstæðisflokkinn sem slæman kost.

Í fréttaskýringu um stöðuna í Kópavogi segir Hafsteinn að margir úr baklandi Samfylkingarinnar telji viðræður við Sjálfstæðisflokkinn vera það eina í stöðunni. Fulltrúar Samfylkingarinnar í bæjarstjórn sögðu í samtali við Morgunblaðið í gær að samstarf við Sjálfstæðisflokkinn væri neyðarúrræði og töluðu um hrylling og þung spor í því sambandi.

„Mér finnst þetta ótrúleg framkoma í garð stjórnmálaflokks sem á sama tíma er verið að bjóða upp í dans. Það kann ekki góðri lukku að stýra að ætla að koma á farsælu samstarfi með slíku hátterni,“ segir Ármann Kr. Ólafsson, oddviti sjálfstæðismanna. „Ef fólk ætlar að fara inn í svona samstarf, þá þarf því að líða vel. Fólk þarf að vera glatt í hjarta sínu og tilfinningin þarf að vera fín.“

Leiðrétting frá Hafsteini Karlssyni, bæjarfulltrúa Samfylkingarinnar í Kópavogi:

Í fréttaskýringu í Morgunblaðinu í dag er sagt að bæjarfulltrúar Samfylkingarinnar í Kópavogi hefðu sagt í samtali við Morgunblaðið í gær „að samstarf við Sjálfstæðisflokkinn væri neyðarúrræði og töluðu um hrylling og þung spor í því sambandi.“

„Hér er ekki rétt haft eftir,“ segir Hafsteinn. „Þessir tveir flokkar eiga sér vissulega sína sögu í bænum og á stundum tekist harkalega á, en það er ekki þar með sagt að fyrri ágreining þessara tveggja flokka sé ekki hægt að jafna. Þótt oft hafi blásið hraustlega hafa þessir flokkar m.a. unnið sameiginlega að gerð fjárhagsáætlunar í þrígang og gekk það afar vel. Nú er tími til þess að horfa fram á við í stað þess að dvelja við fortíðina. “

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Innlent »

„Lögmál útrásarinnar lifa enn góðu lífi“

12:50 Bæjarráð Grundarfjarðar segir það alvarlegt áfall að Landsbankinn hafi ákveðið að loka útibúi bankans á staðnum í ályktun sem samþykkt var samhljóða. Ákvörðunin sé ekki tekin vegna rekstrar útibúsins á Grundarfirði heldur vegna hagræðingar í heildarrekstri Landsbankans. Meira

Par villtist á leiðinni í Þórsmörk

11:23 Björgunarsveitir á Suðurlandi voru kallaðar út í nótt til þess að leita að pari sem hafði verið á göngu yfir Fimmvörðuháls á leiðinni í Þórsmörk en villst af leið. Fólkið fannst síðan tveimur tímum eftir að leit að því hófst. Meira

65 brautskráðir á Sauðárkróki

10:42 Fjölbrautaskóla Norðurlands vestra var slitið í 33. sinn í gær við hátíðlega athöfn í íþróttahúsinu á Sauðárkróki. Samtals brautskráðust 65 nemendur að þessu sinni en 405 nemendur stunduðu nám við skólann á haustönn og 532 á vorönn. Meira

Vatn flæddi yfir veginn

10:03 Aurskriða féll við veginn um Eyrarhlíð í Skutulsfirði seinnipart dags í gær samkvæmt upplýsingum frá lögreglunni á Ísafirði. Skriðan fór alveg að veginum en ekki yfir hann og olli því engum skemmdum á honum. Meira

Krefjast þess að bankinn endurskoði áform sín

08:26 Lokun Landsbankans á útibúi bankans á Eskifirði er harðlega mótmælt í ályktun stjórnar Íbúasamtaka Eskifjarðar. Er bent á að útibú Landsbankans hafi verið eina bankastofnunin á Eskifirði og að fyrir vikið hafi Eskfirðingar frekar beint viðskiptum sínum til hans en annarra banka. Meira

„Þú ert númer 44 í röðinni“

10:14 Unnið er að viðgerðum á bilun sem varð í morgun á miðlægu netkerfi Símans en truflanir á netsambandi gætu verið til staðar næstu klukkutímana samkvæmt upplýsingum frá fyrirtækinu. Meira

Bilun í netkerfi Símans

09:29 Truflanir hafa verið í morgun á netsambandi í gegnum netkerfi Símans en svo virðist sem þær hafa byrjað rétt fyrir klukkan níu. Samkvæmt upplýsingum frá Símanum er um miðlæga bilun að ræða í netkerfi fyrirtækisins og er unnið að viðgerð. Meira

Vissu ekki hver hefði ekið

08:13 Lögreglunni á höfuðborgarsvæðinu var tilkynnt um bifreið utan vegar á Álftanesi um klukkan hálftvö í nótt. Þegar á staðinn var komið voru þar tveir ölvaðir karlmenn sem reyndust ekki alveg með það á hreinu hvor þeirra hefði verið undir stýri þegar ökuferðin endaði úti í móa. Meira

„Ekkert annað að gera en bretta upp ermar“

Í gær, 23:05 „Nú eru fimm vikur til kosninga og skoðanakannanir sýna áfram sömu myndina í grófum dráttum, þótt fylgið hafi dalað aðeins í nýjustu könnun Fréttablaðsins. Þá er ekkert annað að gera en bretta upp ermar og tvíeflast í starfinu framundan. Munum samt að vera jákvæð og hafa gaman af þessu.“ Meira

Íslenska lagið fékk 46 stig

Í gær, 22:33 Ísland fékk samtals 46 stig í Evróvisjónkeppninni í kvöld og endaði í 19. sæti. Flest stig fékk íslenska framlagið, sem flutt var af þeim Jónsa og Gretu Salóme, frá Finnum eða sjö stig en næstmest frá Dönum, Ungverjum og Eistum eða sex stig. Meira

Spyr hvenær rétti tíminn sé fyrir mannréttindi

Andrea J. Ólafsdóttir, forsetaframbjóðandi.

Í gær, 22:50 „Mér er spurn, hvenær eru mannréttindi eða mannréttindabrot hluti af okkar lífi ef ekki þegar kallað er á athygli okkar og aðstoð með svo átakanlegum hætti?“ spyr Andrea J. Ólafsdóttir forsetaframbjóðandi á heimasíðu sinni í dag. Meira

Svíar unnu Evróvisjón 2012

Í gær, 22:17 Svíþjóð er sigurvegari Evróvisjón 2012 en sænska framlagið fékk samtals 372 stig og var sigurinn mjög afgerandi. Svíar héldu forystunni nánast allan tímann sem stigagjöfin fór fram. Meira

Manni bjargað úr Ölfusá

Í gær, 22:14 Lögreglan á Selfossi kom karlmanni til bjargar um klukkan níu í kvöld eftir að hann hafði fallið í Ölfusá rétt ofan við Selfosskirkju. Að sögn lögreglunnar var hún að svipast um eftir manninum þegar sjúkraliðsmaður kom auga á hann þar sem hann hékk á klettasnös. Meira

Fyrstur karla til að lesa stigin

Í gær, 21:30 Atkvæðagreiðslunni í Evróvosjón er nú lokið og stigagjöfin er nú hafin. Það er Matthías Matthíasson söngvari sem mun mun lesa stigin frá Íslandi en þetta er í fyrsta sinn sem karlmaður gerir það fyrir hönd Íslendinga. Meira

„Mannréttindi varða okkur öll“

Í gær, 20:47 „Góða skemmtun í kvöld kæru Íslendingar. Við gerum okkar allra besta til að skila okkar sem best á sviðinu og því sem við höfum unnið að sleitulaust síðan í febrúar,“ sagði Greta Salóme á facebooksíðu sinni í dag. Meira

Fyrstu stigin frá Slóvenum

Í gær, 22:01 Fyrstu stigin sem Ísland hlýtur í Evróvísjónkeppninni í kvöld komu frá Slóvenum en þeir gáfu íslenska framlaginu fjögur stig. Slóvenía er 19. landið til þess að gefa stig. Meira

Versló brautskráir 311 nemendur

Frá brautskráningu Verzlunarskóla Íslands í dag.

Í gær, 21:14 Verzlunarskóla Íslands var slitið í 107. sinn í dag en 311 nemendur brautskráðust að þessu sinni með stúdentspróf, 182 stúlkur og 129 piltar. Þar af komu 301 nemandi úr dagskólanum og 10 úr fjarnámi. Meira

Stóðu sig vel á sviðinu

Í gær, 19:40 Flutningur íslenska framlagsins í Evróvisjónkeppninni tókst mjög vel á sviðinu í Kristalshöllinni í Bakú, höfuðborg Aserbaídsjan, og var þeim Jónsa og Gretu Salóme fagnað mjög af þeim fjölmörgu áhorfendum sem fylla salinn í höllinni. Meira