Innlent | mbl | 6.4.2012 | 19:51

Vill fara í tvær virkjanir í Þjórsá

Búðafoss í Þjórsá. Rax / Ragnar Axelsson

Eggert Valur Guðmundsson, bæjarfulltrúi í Árborg, segist ekki sjá að verið sé að taka neina áhættu þó heimilt verði að ráðast í tvær efstu virkjanir í neðrihluti Þjórsá, Hvamms-og Holtavirkjanir. Hann lagði fram ályktun þessa efnis í bæjarstjórn.

Stjórnarflokkarnir hafa lagt fram Rammaáætlun þar sem gert er ráð fyrir að þrjár rennslisvirkjanir í neðri hluta Þjórsár verði settar í biðflokk, en upphaflega var lagt til að þær færu í nýtingarflokk.

Eggert, sem er samflokksmaður Oddnýjar Harðardóttur, starfandi iðnaðarráðherra, segist vera mjög ósáttur við þessa breytingu. Hann segist hafa bundið vonir við að ráðist yrði í virkjanir í Þjórsá sem fyrst.

Í ályktun sem Eggert lagði fram í bæjarráði Árborgar er skorað á Alþingi að tryggja að fyrirhugaðar tvær efstu virkjanahugmyndir í neðri Þjórsá, Hvamms-og Holtavirkjanir, verði áfram skilgreindar í nýtingarflokki Rammaáætlunar um nýtingu og vernd náttúrusvæða.

„Ljóst er að efasemdir um afdrif og framtíð laxastofnsins í Þjórsá vegna virkjanaframkvæmda eiga einungis við um Urriðafossvirkjun. Ekkert er því til fyrirstöðu að hefja framkvæmdir við Holta-og Hvammsvirkjanir.
Fyrirhugaðar framkvæmdir við virkjanir í neðri Þjórsá skipta miklu máli við að auka atvinnustig á Suðurlandi öllu. Það er er einbeittur vilji sveitarfélaga á svæðinu að skilgreindur hluti orkunnar verði nýttur til fullvinnslu á svæðinu. Því er það gríðarlega mikilvægt fyrir svæðið allt að framkvæmdir fari af stað sem allra fyrst.
Tillaga verkefnastjórnar um Rammaáætlun um nýtingu og vernd náttúrusvæða kemur nú til kasta Alþingis. Þar verður unnið úr umsögnum um einstaka kosti áður en þingmenn afgreiða Rammaáætlun endanlega. Hvetur bæjarráð Svf Árborgar þingmenn eindregið til þess að fara að tillögu verkefnastjórnarinnar sem vann drög að Rammaáætlun um að tvær efstu virkjanir í neðri Þjórsá verði áfram skilgreindar í nýtingarflokki en farið að varfærnisrökum gagnvart afdrifum laxastofnsins og fyrirhuguð Urriðafossvirkjun verði sett í bið á meðan málið er skoðað enn frekar.“

Bæjarfulltrúar D- og B-lista tóku undir efni ályktunarinnar en lögðu áherslu að „nýta beri alla virkjanakosti Þjórsár“.

Innlent »

Skipulag ferðamála brýnasta verkefnið

Magnús Orri Schram, fyrrverandi þingmaður Samfylkingarinnar.

14:37 „Brýnasta verkefni nýs ráðherra atvinnumála verður skipulag ferðamála á Íslandi. Þar er ögurstund um þessar mundir - ágengni, gjaldtaka, umferð um hálendi og umhverfismál heilt yfir, eru dæmi um verkefni sem ekki geta beðið.“ Meira

Lögreglan skoðar eldri tælingamál

14:21 Kynferðisbrotadeild lögreglunnar á höfuðborgarsvæðinu rannsakar nú hvort karlmaður sem er í haldi grunaður um kynferðisbrot gegn 10 ára gamalli stelpu í síðustu viku, tengist eldri málum af sama tagi. Maðurinn kvaðst ekkert muna við yfirheyrslu á miðvikudag. Hann verður yfirheyrður aftur í vikunni. Meira

„Óskabörn þjóðarinnar“ fá hjálma

Þessi börn úr 1. bekk Norðlingaskóla virtust vera alsæl með hjálmana góðu sem þau fengu ...

14:10 Eimskipafélag Íslands og Kiwanishreyfingin gefa öllum grunnskólabörnum sem ljúka 1. bekk grunnskóla í vor reiðhjólahjálma. Verkefnið, sem ber heitið „Óskabörn þjóðarinnar“ er árviss viðburður félaganna til að stuðla að umferðaröryggi yngstu hjólreiðarmanna landsins. Meira

Mataræði eiginmannsins lögreglumál

Óhóflegt pizzuát varð tilefni til lögregluútkalls á Suðurnesjum.

13:53 Lögreglan á Suðurnesjum var nýverið kvödd að heimili í umdæminu vegna hjónadeilna. Deiluefnið var mataræði mannsins og var það langþreytt eiginkonan sem óskaði eftir því að lögreglan gripi inn í. Meira

Ástand mannsins óbreytt

13:50 Ástand karlmanns sem slasaðist við árekstur húsbíls og rútu á Snæfellsnesi um helgina er óbreytt samkvæmt upplýsingum frá Landspítalanum. Manninum hefur verið sofandi í öndunarvél síðan slysið varð. Meira

Dregið úr varúðarráðstöfunum

13:09 Búið er að opna Stórahring í Dimmuborgum að sögn Umhverfisstofnunar. Vonast er til að hægt verð að opna alla göngustígana í Dimmuborgum um næstu helgi. En nánari tilkynning verður birt þegar þar að kemur. Meira

Lögreglan óskar eftir vitnum

Blár Nissan Primera og hvítur Mercedes Benz rákust saman gatnamótum Suðurlandsbrautar og Grensásvegar 12. maí ...

13:53 Lögreglan á höfuðborgarsvæðinu óskar eftir vitnum að umferðaróhappi sem varð á gatnamótum Suðurlandsbrautar og Grensásvegar í Reykjavík um kl. 17 sunnudaginn 12. maí sl. Meira

Lækkun á flugfargjöldum í sumar

13:25 Síðasta vor og sumar kepptust Iceland Express og Wow Air við að undirbjóða hvort annað. Verðið fór þó sjaldnast niður fyrir 10 þúsund krónur, en í dag auglýsir Wow Air flugmiða til London í sumar á 9.900 krónur. Ástæðan er samkeppni við Easy Jet. Meira

Úrskurður ekki í samræmi við lög

Samkvæmt gögnum málsins sótti konan um að gera námssamning við Vinnumálastofnun í janúar 2010 er ...

12:32 Settur umboðsmaður Alþingis mælist til þess að úrskurðarnefnd atvinnuleysistrygginga og vinnumarkaðsaðgerða taki mál konu til nýrrar meðferðar, en nefndin felldi niður bótarétt hennar í tvo mánuði og gerði henni að endurgreiða ofgreiddar atvinnuleysisbætur. Úrskurðurinn var ekki í samræmi við lög. Meira

Fjallavinir fóru á Öræfajökul

12:09 Fjallavinir nýttu sér veðurblíðuna um helgina og fóru á Öræfajökul. Ferðin gekk vel og var leiðangurinn heppinn með bæði færi og veður. Þórður Ingi Marelsson, fararstjóri, segir að ferðin hafi tekist mjög vel. Útsýnið af tindinum hafi verið með besta móti, sést hafi bæði í Herðubreið og Snæfell. Meira

Heyra ekki í Ingólfi fyrr en eftir 2 daga

11:30 Everest-farinn Ingólfur Geir Gissurarson, sem náði tindi þessa hæsta fjalls heims í nótt, mun ekki heyra í fjölskyldu sinni fyrr en eftir um það bil tvo daga þegar hann kemst niður í grunnbúðirnar. Eftir að Ingólfur er kominn í grunnbúðirnar tekur við um 3 daga ferð niður að Lukla, þaðan sem flogið er. Meira

Misheppnað rúllettuspil á evrusvæðinu

11:23 Leiðtogar ESB ættu að leggja þá hugsun til hliðar að horfa á evrukreppuna útfrá væntu hlutverki ESB á alþjóðasviðinu næstu áratugi heldur nálgast kreppuna út frá forsendum fólksins. Þetta er skoðun Ólafs Ragnars Grímssonar, forseta Íslands, sem segir stefnusmiði evrusvæðisins í misheppnuðu „efnahagslegu rúllettuspili“. Meira

Farbann framlengt um 6 vikur

11:00 Faðir 5 mánaða gamals stúlkubarns, sem talið er að hafi látist vegna blæðinga í heila eftir að hafa verið hrist harkalega, verður úrskurðaður í áframhaldandi farbann til 6 vikna í dag samþykki Héraðsdómur Reykjavíkur kröfu lögreglu þess efnis. Enn er beðið niðurstaðna krufningar. Meira

Róbert Melax vill kaupa Ljósvetningabúð

10:36 Athafnamaðurinn Róbert Melax hefur óskað eftir viðræðum við sveitarfélagið Þingeyjarsveit um kaup á félagsheimilinu Ljósvetningabúð. Erindið barst sveitarstjórninni 12. maí sl. Meira

Lögreglan fylgist sérstaklega með nagladekkjum

09:19 Lögreglan á höfuðborgarsvæðinu mun byrja að fylgjast sérstaklega með ökutækjum sem eru enn á negldum hjólbörðum í dag. Sektin við slíku er 5000 kr. á hvern negldan barða. Meira

Falsaði skráningarmerki bifreiðar

10:58 Lögreglan á Suðurnesjum hafði um helgina afskipti af fjórum ökumönnum sem grunaðir voru um akstur undir áhrifum fíkniefna. Einn þeirra, sem reyndist hafa neytt kannabisefna, var á ótryggðri bifreið. Þegar lögreglumaður var að taka skráningarmerkin af henni veitti hann því athygli að átt hafði verið við þau Meira

Tekinn á 132 km hraða

10:11 Lögreglan á Suðurnesjum stóð átján ökumenn að hraðakstri um helgina. Sá sem hraðast ók mældist á 132 kílómetra hraða, en þar var hámarkshraði 90 kílómetrar á klukkustund. Meira

Tollurinn fargaði húsgögnum

Munirnir voru fluttir í gámi hingað til lands en um var að ræða stóla, borð ...

08:59 Tollgæslan stöðvaði nýverið sendingu frá Kína, sem reyndist meðal annars innihalda á annað hundrað eftirlíkingar af húsgögnum nokkurra frægra hönnuða í Danmörku, Þýskalandi, Bretlandi og á Ítalíu. Munirnir voru fluttir í gámi hingað til lands. Meira