Tveir menn ruddust inn á lögfræðiskrifstofu í miðbæ Reykjavíkur um kl. 14:30 í dag. Þeir réðust að starfsmanni og ógnuðu honum. Hann slasaðist hins vegar ekki.
Mennirnir brutu og brömluðu innanstokksmuni á stofunni. Á meðan á þessu stóð höfðu þeir í hótunum við starfsmanninn en voru farnir af staðnum þegar lögreglan kom. Meiðsl urðu ekki á fólki í atgangi þessum. Vitað er hverjir þarna voru á ferð, en þeir munu hafa áður átt samskipti við lögfræðistofuna. Málið er í rannsókn.