Slys á Bíladögum

Slys varð á Bíladögum á Akureyri í kvöld þegar keppt var í svokallaðri drift keppni. Þar missti keppandi stjórn á bifreið sinni með þeim afleiðingum að hún skall á girðingu sem aðskilur keppnissvæði frá áhorfendum. Tveir eru meiddir eftir atvikið.

Einn var fluttur á sjúkrahús til aðhlynningar. Ekki er vitað um meiðsl hans að svo stöddu. Óljóst er hvort hinn aðilinn hafi einnig farið á sjúkrahús en samkvæmt upplýsingum frá lögreglunni á Akureyri er sá minna slasaður. 

Frekari upplýsingar eru ekki veittar um slysið að svo stöddu.