Sinna skyldum sínum áfram

Guðbjartur Hannesson velferðarráðherra á von á því að starfsfólk í heilbrigðiskerfinu muni sinna sínum störfum eins og áður þrátt fyrir óánægju í kjölfar fyrirhugaðrar launahækkunar Björns Zoëga, forstjóra Landspítalans, sem reyndar var dregin til baka. En þetta kom fram í útvarpsviðtali við Guðbjart í útvarpsþættinum Sprengisandi á Bylgjunni í morgun.

„Ég ætla að vona að í þeim athugasemdum sem eru að koma fram felist málefnaleg rök og þá verður unnið úr þeim. Fólk almennt í velferðarkerfinu hættir ekki að vinna sína vinnu þó að áföll verði eða það verði reitt út af einhverju. Starfsfólkið hefur sýnt það í gegnum árin að það er tilbúið að þjónusta sína sjúklinga og er tilbúið að gera það áfram. Það hefur komið fram í viðræðum við deildarstjóra og aðra,“ sagði Guðbjartur

Guðbjartur sagði jafnframt að þrátt fyrir erfiðleika og niðurskurð undanfarin ár fengi Landspítalinn gríðarlega góðar mælingar á öllum þáttum og væri að keppa við bestu heilbrigðiskerfi í heimi.

• 5 blogg um fréttina

Bloggað um fréttina

• Haraldur Haraldsson: Sinna skyldum sínum áfram//Báðir eihga að víkja :ekki spurning!!!!!
• Sigurður Þorsteinsson: Að skammast sín fyrir flokkinn sinn.
• Jóhann Elíasson: EIGA KLAUFALEG VIÐBRÖGÐ AÐ LEYSA MÁLIÐ Í EITT SKIPTI FYRIR …
• S i g u r ð u r S i g u r ð a r s o n: Gerðist ekkert, Guðbjartur?
• Gunnar Heiðarsson: Hvað á ráðherrann við ?