Samþykkt að þingfundur geti staðið lengur

„Ég tel að hæstvirt ríkisstjórn hefði átt að koma með málið mikið, mikið fyrr. Þingið er búið að vera meira eða minna verklaust í allt haust. Þetta er bara léleg verkstjórn hjá hæstvirtri ríkisstjórn sem við stöndum hér frammi fyrir að þurfa að halda hér kvöldfundi langt fram á kvöld þvert á stefnu hæstvirts forseta sem vildi hafa fjölskylduvænan vinnustað.“

Þetta sagði Pétur H. Blöndal, þingmaður Sjálfstæðisflokksins, á Alþingi í dag þar sem hann gerði grein fyrir atkvæði sínu gegn tillögu forseta Alþingis, Ástu Ragnheiðar Jóhannesdóttur, um að heimilt yrði að halda þingfund í dag lengur en þingsköp gera ráð fyrir. Pétur var eini þingmaðurinn sem kaus að gera grein fyrir atkvæði sínu.

Tillaga forseta þingsins var samþykkt með 26 atkvæðum gegn 18.

• 1 blogg um fréttina

Bloggað um fréttina

• Guðjón Sigþór Jensson: Ræðugleðin mikla