Margar fyrirspurnir en ekkert tilboð í Svefneyjar

Tilboð hefur ekki borist í Svefneyjar á Breiðafirði, en margar fyrirspurnir og nokkrir hafa skoðað eyjarnar, að sögn Sigurbjörns Friðrikssonar, sölufulltrúa hjá Fasteignasölunni Torgi.

Hann áætlar að söluverð Svefneyja gæti verið langleiðina í 150 milljónir króna og segir þær spennandi eign fyrir félagasamtök eða stærri fyrirtæki. Eyjarnar voru auglýstar til sölu fyrir rúmu ári hjá Torgi og fleiri fasteignasölum.

Í Svefneyjum eru tvö íbúðarhús, bæði nýuppgerð með góðum sólpöllum og eru alls 13 svefnherbergi í húsunum.