Innlent | mbl | 8.3.2013 | 14:31

Reif allt út fyrir uppboð

Einbýlishúsið er í Grindavík. Ljósmynd/Grindavíkurbær

Héraðsdómur Reykjaness hefur dæmt karlmann um fertugt í fjögurra mánaða skilorðsbundið fangelsi fyrir skilasvik. Maðurinn tók innréttingar og öll heimilis- og hreinlætistæki úr húsi sínu þegar hann vissi að hann hefði misst það á nauðungarsölu.

Maðurinn byggði og bjó í einbýlishúsinu sem er í Grindavík. Í febrúar 2009 var byrjað að gera fjárnám í fasteigninni vegna skulda og þá þegar um vorið hóf hann að rífa niður innréttingar úr eldhúsi og baðherbergi og fjarlægði öll heimilistæki. Þá flutti hann einnig úr húsinu og til Noregs.

Fyrir dómi kvaðst maðurinn hafa ætlað að skipta um innréttingar en það taldi héraðsdómari afar ótrúverðugt, enda hafi hann flutt út úr húsinu eftir að hann reif innréttingarnar niður.

Sökum þess að dráttur varð á málinu, en upplýst var um brotið við nauðungarsölu þann 8. apríl 2010, rannsókn lauk í byrjun febrúar 2011 og ákæra var gefin út 10. desember 2012, þótti rétt að skilorðsbinda refsinguna.

Íslandsbanki gerði bótakröfu í málinu upp á tvær milljónir króna. Dómurinn taldi að kröfunni væri verulega ábótavant og var henni vísað frá.

Innlent »

Sjö skólar sameinast um fjarnám

13:36 Sjö framhaldsskólar á landsbyggðinni hafa ákveðið að bjóða sameiginlega upp á fjarnám með áherslu á starfsnám. Meira

Fjölgun í Landnámsdýragarinum

13:31 Geitin Freyja bar tveimur kiðlingum í Landnámsdýragarðinum í Reykjanesbæ í gær um hádegisbil. Faðirinn er Herkules. Fengu kiðlingarnir nöfnin Magni og Móði. Meira

Vélarvana báti komið til aðstoðar

13:25 Rétt fyrir klukkan eitt í dag var björgunarbáturinn Þórður Kristjánsson kallaður út frá Reykjavík til aðstoðar bát sem er vélarvana innst í Hvalfirði. Bátnum tókst að koma út rekakkeri svo enginn hætta er á ferðum. Meira

Fyrsti ríkisstjórnarfundurinn

Ný ríkisstjórn kom saman á fundi í Stjórnarráðinu í dag

13:24 Fyrsti fundur nýrrar ríkisstjórnar Íslands hófst klukkan 13 í Stjórnarráðinu en ráðherrar tóku við lyklum ráðuneyta síðdegis í gær og í morgun. Meira

Leit á Fimmvörðuhálsi

13:11 Fyrir rúmum hálftíma voru björgunarsveitir í Vík, Hvolsvelli, Landeyjum, undir Eyjafjöllum og frá Hellu kallaður út til leitar að manni á Fimmvörðuhálsi. Meira

Brennuvargs leitað

13:02 Ummerki á vettvangi benda til þess að um innbrot og íkveikju hafi verið að ræða þegar eldur kom upp í vinnusal Bláfells ehf. á Suðurnesjum í vikunni. Við íkveikjuna var notaður eldfimur vökvi, sem var fyrir í húsnæðinu og var notaður við smíðar plastbáta, sem fyrirtækið annast. Meira

2½ tíma seinkun vélar Icelandair

13:18 Vél Icelandair frá Keflavíkurflugvelli til Heathrow varð fyrir 2½ tíma seinkun í morgun vegna lokunar flugvallarins í London. Vél þurfti að nauðlenda á Heathrow og var öllu flugi aflýst í um tvær klukkustundir. Meira

Jafnréttismál á réttri leið en þó má bæta um betur

Í skýrslunni er m.a. fjallað um hversu áhrifamikil íslenska kvennahreyfingin hefur verið í áratugi.

13:06 Ríkisstjórn Jóhönnu Sigurðardóttur kom á ýmsum bótum í jafnréttismálum á kjörtímabili sínu, m.a. kynjaðri hagstjórn og kynjakvótum í stjórnum fyrirtækja. En þó að reglur og lög séu til staðar er ekki þar með sagt að jafnrétti sé meðal borgaranna í raun. Nefnd á vegum Sameinuðu þjóðanna hvetur nýja ríkisstjórn til að halda áfram á þeirri braut sem mörkuð hefur verið á undanförnum árum og ljúka þeirri vinnu sem þegar er hafin á sviði jafnréttismála. Meira

Friðun Fríkirkjuvegar á byrjunarreit

Húsið reisti athafnamaðurinn Thor Jensen á árunum 1907-1908 og var það á sínum tíma glæsilegasta ...

13:00 Ákvörðun um friðun á innra byrði Fríkirkjuvegar 11 í Reykjavík skal endurupptekin. „Menntamálaráðuneytið ákvað að málið yrði tekið upp aftur. Að okkar mati voru ýmsir ágallar á málsmeðferðinni og ráðuneytið virðist sama sinnis,“ segir talsmaður Björgólfs Thors Björgólfssonar. Meira

Þorgerður Katrín til SA

13:00 Þorgerður Katrín Gunnarsdóttir hefur verið ráðin forstöðumaður nýs mennta- og nýsköpunarsviðs Samtaka atvinnulífsins. Stofnun menntasviðs er liður í aukinni áherslu Samtaka atvinnulífsins á menntamál og nýsköpun. Þetta kemur fram á heimasíðu félagsins. Meira

Missti bifreiðina út í Norðurá

Liðsmenn í Klakki voru staddir nálægt slysstaðnum og komu manninum til bjargar

12:58 Rétt um hálfeitt í dag voru björgunarsveitir í Skagafirði kallaðar út þar sem tilkynning barst um að bíll hefði lent út í Norðurá, vestan Öxnadalsheiðar. Tókst að bjarga ökumanni bifreiðarinnar út úr bílnum og virðist hann vera óslasaður. Meira

Góður gangur í karfaveiðum

12:52 Frystitogarinn Barði NK hélt til úthafskarfaveiða á Reykjaneshrygg hinn 8. maí sl. og hefur skipið aflað mjög vel, samkvæmt frétt á vef Síldarvinnslunnar. Meira

Heimilt að bera fólkið út

12:45 Dómari við Héraðsdóm Reykjaness staðfesti í dag að Landsbankinn geti látið bera fólk út úr húsnæði sem það átti áður en bankinn eignaðist á nauðungarsölu. Hafði fólkið ekki greitt húsaleigu frá því í fyrra. Meira

Lifrarbólgufaraldur rakinn til frosinna jarðarberja

12:15 Matvælastofnun og sóttvarnalæknir brýna fyrir neytendum að sjóða frosin jarðarber í eina mínútu áður en þeirra er neytt, en niðurstöður rannsókna á uppruna lifrarbólgu A faraldurs í Skandinavíu gefur til kynna að frosin jarðarber eru orsakavaldur slíkra tilfella. Meira

Rukkuð um aukalyklana

Sigurður Ingi Jóhannsson fær lyklavöldin hjá Svandísi Svavarsdóttur

11:39 Rétt áður en Svandís Svavarsdóttir gekk út úr umhverfisráðuneytinu í morgun, eftir að hafa afhent Sigurði Inga Jóhannssyni lyklavöldin, hnippti Skúli Oddsson bílstjóri í hana og rukkaði um aukalyklana að ráðherrabílnum sem hún hafði gleymt að láta af hendi. Þá fann hún í veskinu eftir stutta leit. Meira

Ganga gegn Monsanto á Austurvelli

12:33 Búið er að boða til mótmæla gegn fyrirtækinu Monsanto á Austurvelli í Reykjavík en þau eru hluti af alþjóðlegum mótmælagöngum sem fara fram á morgun um allan heim. Er yfirgangi Monsanto í heiminum mótmælt sem og reglugerðarleysi er snertir efðabreyttar matvörur. Meira

Sviptur eftir ölvunarakstur

11:56 Lögreglan á Suðurnesjum hafði í fyrradag afskipti af tveimur ökumönnum. Annar var grunaður um ölvunarakstur og hinn um að aka undir áhrifum fíkniefna. Í báðum tilvikum reyndist grunurinn á rökum reistur. Meira

Ríkisstjórnarfundur klukkan 13

Guðbjartur Hannesson og Eygló Harðardóttir

11:38 Ný ríkisstjórn Íslands kemur saman í dag klukkan 13 og er það fyrsti formlegi fundur nýrrar ríkisstjórnar. Í gær og dag hafa nýir ráðherrar tekið við lyklavöldum í ráðuneytunum. Meira