Um níuleytið í gærkvöldi var bifreið stöðvuð í Grafarvogi eftir að ökuhraði bifreiðarinnar hafði verið mældur 109 km/klst en leyfður ökuhraði er 50 km/klst. Ökumaðurinn er einnig grunaður um akstur bifreiðar undir áhrifum fíkniefna.
Hálfellefu var svo bifreið stöðvuð á Vesturlandsvegi. Ökumaður bifreiðarinnar var réttindalaus og bifreiðin var á röngum númerum. Bifreiðin var því ótryggð og voru röngu númerin fjarlægð og lögð inn.
Kortér í tólf hafði lögreglan afskipti af bifreið sem lagt var í bifreiðastæði í Austurborginni. Í bifreiðinni voru 5 stúlkur og við afskipti lögreglu vaknaði grunur um fíkniefnanotkun. Ein stúlkan framvísaði ætluðum fíkniefnum og verður kærð fyrir vörslu fíkniefna.
Hálfeitt var svo bifreið stöðvuð í Grafarvogi. Ökumaðurinn grunaður um akstur bifreiðar undir áhrifum fíkniefna.
Um svipað leyti var bifreið stöðvuð í Miðborginni. Ökumaðurinn grunaður um akstur bifreiðar undir áhrifum fíkniefna og vörslu fíkniefna.
Klukkan eitt var svo bifreið stöðvuð á Laugavegi. Ökumaðurinn grunaður um akstur bifreiðar undir áhrifum fíkniefna og vörslu fíkniefna. Einnig voru tveir farþegar í bifreiðinni kærðir fyrir vörslu fíkniefna.
Um svipað leyti var bifreið stöðvuð í Breiðholti. Ökumaðurinn grunaður um akstur bifreiðar undir áhrifum fíkniefna og vörslu fíkniefna.
Hálfþrjú í nótt var svo bifreið stöðvuð á Kringlumýrarbraut. Ökumaðurinn grunaður um akstur bifreiðar undir áhrifum fíkniefna og vörslu fíkniefna.
Þá voru skráningarnúmer fjarlægð af nokkrum ökutækjum í Austurborginni í nótt þar sem ökutækin voru ótryggð og/ eða höfðu ekki verið færð til skoðunar á réttum tíma.