„Veðráttan er rysjótt og það hefur verið upp og ofan nú að undanförnu hvernig flugið hefur gengið,“ segir Sveindís Guðfinnsdóttir, bóndi í Kjörvogi og flugvallarstjóri á Gjögri í Árneshreppi á Ströndum.
Áætlun hjá flugfélaginu Erni gerir ráð fyrir flugi þangað tvisvar í viku, það er á mánudögum og fimmtudögum. Slíkt tekst þó ekki alltaf og í janúar leið leið heil vika milli ferða.
Sveindís segir það ekki hafa komið að sök. Fólk í Árneshreppi sé þessum veruleika vant. Í verslun Kaupfélags Steingrímsfjarðar í Norðurfirði sé nóg til og aldrei hafi verið skortur á nauðsynjum.