Í Hekluskógaverkefninu hafa verið gróðursettar rúmlega tvær milljónir birkiplantna í 8-900 misstóra lundi.
Til að setja vinnuna í samhengi þá hefur birki, ásamt reyniviði, verið plantað á um 11 ferkílómetra. Það svarar til alls landsvæðis frá Kringlumýrarbraut og vestur á Gróttu, með öðrum orðum alls Seltjarnarnessins og stórs hluta gömlu Reykjavíkur.
„Birkið stendur sig langbest á berangri á öskusvæðum borið saman við aðrar tegundir,“ segir Hreinn Óskarsson, framkvæmdastjóri Hekluskógaverkefnisins í umfjöllun um skógrækt þessa í Morgunblaðinu í dag.