„Þetta eru enn bara áform, ég ætla að halda í vonina eins lengi og ég get að af þessu verði ekki,“ sagði Gauti Jóhannesson, sveitarstjóri á Djúpavogi, um það að Vísir hf. flytti alla fiskvinnslu sína af staðnum. Hann sagði að 50-60 manns ynnu þar hjá Vísi í landi.

„Þetta er gríðarlegt áfall,“ sagði Daníel Jakobsson, bæjarstjóri Ísafjarðarbæjar, um það að fiskvinnsla Vísis færi frá Þingeyri eins og áformað er. „Þetta er hryggjarstykkið í atvinnu á Þingeyri,“ segir hann í fréttaskýringu um mál þetta í Morgunblaðinu í dag. Um 50 manns hafa unnið í um 35 heilsársstöðugildum hjá Vísi á Þingeyri, að sögn Daníels.

„Þetta þýðir að 5,7% af öllum störfum hér hverfa. Það samsvarar uppsögn á 3.000 manns í Reykjavík,“ sagði Bergur Elías Ágústsson, bæjarstjóri Norðurþings, um áhrif áforma Vísis um að leggja niður fiskvinnslu á Húsavík.

Tengdar fréttir

Vísir hf. flytur til Grindavíkur

Fá allar fasteignir Vísis endurgjaldslaust

• Höfða mál vegna Vísis
• Þingeyskir framsóknarmenn ósáttir við ráðherra
• Frestunin ákveðinn áfangasigur
• Vísir með vinnslu á Djúpavogi í eitt ár

» Fleiri tengdar fréttir