Landsbankinn hefur slitið formlegu söluferli á 99,9% hlut bankans í verktakafyrirtækinu Ístaki. Var öllum tilboðum sem bárust hafnað.
Að sögn Kristjáns Kristjánssonar, upplýsingafulltrúa Landsbankans, voru þau verðtilboð sem bárust „vel fyrir neðan“ það sem Landsbankinn taldi viðunandi.
Í Morgunblaðinu í dag segir Kolbeinn Kolbeinsson, framkvæmdastjóri Ístaks, að þessi niðurstaða breyti litlu fyrir starfsemi Ístaks. „Við erum ánægðir með að söluferlinu sé lokið í bili og munum sem fyrr einbeita okkur að því að reka fyrirtækið eftir bestu getu.“