Stúlka á átjánda ári gerði tilraun til að kveikja í Verkmenntaskólanum á Akureyri seint í gærkvöldi. Slökkviliðinu barst fljótlega tilkynning um málið og tókst því að ráða niðurlögum eldsins í tæka tíð.
Minniháttar tjón hlaust af eldinum.
Að sögn lögreglunnar á Akureyri beindist grunur strax að stúlku á átjánda ári og var hún handtekin. Hún játaði en gat þó ekki gefið neina skýringu á athæfinu. Að lokinni yfirheyrslu var hún látin laus. Var barnaverndaryfirvöldum á Akureyri jafnframt tilkynnt um málið.