Framkvæmdir hafa staðið yfir í Pósthússtræti í miðbæ Reykjavíkur frá því í byrjun apríl. Upphaflega stóð til að verkinu lyki í þessum mánuði.
Samkvæmt upplýsingum frá hverfis- og skipulagssviði Reykjavíkurborgar er stefnt að því að því ljúki í ágúst.
Framkvæmdirnar hafa gengið ágætlega og fljótlega verður byrjað á gönguleiðinni yfir Tryggvagötu. Allri neðanjarðarvinnu er lokið og núna er einungis yfirborðsfrágangur eftir eins og snjóbræðsla, malbikun, hellulagnir og þess háttar.