Með heiminn í baksýnisspeglinum

Ingjaldur hefur merkt þá staði á landakorti með svörtu sem ...
Ingjaldur hefur merkt þá staði á landakorti með svörtu sem hann á eftir að heimsækja, en rauðu þau sem hann hefur heimsótt. Öll lönd eru nú rauð. mbl.is/Þórður Arnar Þórðarson

Ingjaldur Hannibalsson, prófessor og fyrrverandi deildarforseti viðskiptafræðideildar Háskóla Íslands, kom á sunnudaginn heim úr sex vikna ferðalagi. Með ferðalagi batt hann endahnútinn á margra ára verkefni, að heimsækja öll 193 þátttökulönd Sameinuðu þjóðanna.

Áður en hann hélt af stað átti hann sex lönd eftir á listanum. Á meðal þeirra voru lönd sem erfitt getur reynst að heimsækja, meðal annars Írak, Afganistan, Miðbaugs-Gínea og eyríkið Nárú, sem var fyrst á dagskrá.

„Til þess að komast til Nárú, þurfti ég að fara fyrst til Brisbane í Ástralíu því það er einungis flogið til Nárú þaðan. Landið er um fjögurra tíma flugleið í norð-austurátt frá Brisbane. Það liggur nokkurn veginn við miðbaug í miðju kyrrahafinu.“

Nárú er afar lítil land og er hringvegurinn umhverfis eyjuna til að mynda aðeins 18 km að lengd. „Það tók mig 2 tíma að skoða eyjuna, en ég varð að vera þar í þrjá sólarhringa, því það er aðeins flogið þangað tvisvar í viku,“ segir Ingjaldur og bætir stuttlega við um sögu eyjunnar:„Þetta ríki var mjög ríkt á áttunda og níunda áratugnum því það voru margar fosfatnámur þar. En þegar fosfatið tæmdist, þá höfðu þeir ekkert annað. Ein helsta tekjulind þeirra í dag er að passa hælisleitendur sem vilja komast til Ástralíu. Þeir eru þá sendir til Náru þar sem þeir eru geymdir á meðan verið er að taka ákvörðun um það hvort þeir fái hæli eða ekki.“

Níu metra hár veggur varði hótelið

Eftir stutt stopp í Nárú var ferðinni heitið til Afganistan. Flugvöllurinn sem Ingjaldur lenti á í Kabúl, hafði orðið fyrir árás tveimur dögum áður. „Ég bjó á hóteli nálægt flugvellinum þar sem öryggismálin voru í góðu lagi. Það er níu metra hár veggur sem umlykur hótelið og það var leitað á öllum sem komu inn, bílar skoðaðir mjög vandlega, og inná hótelinu voru margir vopnaðir verðir sem gættu þess að allt væri í lagi. Eftir að ég skráði mig inn á hótelið fékk ég 15 mínútna fyrirlestur um öryggismál. Ég gat skoðað borgina og fékk bíl frá hótelinu og starfsmaður í móttökunni kom með mér og sagði mér frá borginni. Það var góður eftirmiðdagur,“ segir Ingjaldur. 

Var í Sádí-Arabíu á Ramadan

Þá lá ferð Ingjalds til Riyadh í Sádí-Arabíu, en hann hafði fengið boðsbréf frá Íslendingi sem starfar fyrir fyrirtæki þar í landi. Það setti svip sinn á dvöl Ingjalds í landinu, að Ramadan-hátíð múslima var í fullum gangi á meðan á dvöl hans stóð.

Það var eftirminnilegt að hann fór með mig í verslunarmiðstöð klukkan tíu um kvöld, og þá var miðstöðin að lifna við.Vegna Ramadan má fólk ekki borða frá klukkan þrjú á morgnanna til klukkan sjö á kvöldin. Þarna voru fjölskyldur með lítil börn að koma og versla og leika sér í leiktækjum svo hún iðaði öll af lífi.“

„Á daginn var allt lokað, og ekkert að gera út af Ramadan. Þegar ég skráði mig inn á hótelið spurði ég hvenær væri morgunmatur. Þá svöruðu þeir: „Seven.“. Þá spurði ég: „Sjö til tíu?“ Þeir svöruðu: „Seven.“ Þá spurði ég aftur: Sjö til níu?“ „Seven,“ var aftur svarið. Ég fór niður um morguninn og þá var enginn matur, en klukkan 7 um kvöldið báru þeir loks fram morgunmatinn!“

Áhugaverðustu staðir borgarinnar voru lokaðir vegna hátíðarinnar. „Það var eitt safn í borginni sem virtist vera áhugavert, og eitt gamalt virki, en þetta var lokað. Hugsanlega opnaði þetta á kvöldin, en ég vildi ekkert vera mikið á flækingi eftir myrkur,“ segir Ingjaldur.

ISIS-liðar stefna í átt að borginni

Eftir að hafa skoðað Riyadh lá för Ingjalds til Íraks. Hann heimsótti þar borgina Erbil í Kúrdistan í Írak. Auðveldara er að sögn Ingjalds að komast inn í landið í Norðurhlutanum, því ekki þarf vegabréfsáritun þar, öfugt við suðurhlutann og höfuðborgina Bagdad. 

„Í Erbil var í sjálfu sér allt með kyrrum kjörum. Að vísu var heitt, en ég gat leigt mér bíl og fengið leiðsögumann sem sýndi mér borgina og nágrennið. Það var mjög skemmtilegt,“ segir Ingjaldur en hann setur þó ástandið í samhengi við fréttir af ástandinu sem nú ríkir í Norðurhluta Íraks.

„Það hafa verið að berast fréttir síðustu daga um að ISIS sé að nálgast borgina. Ég sá einhver staðar að þeir væru ekki nema um 25 km frá henni, þannig að á mjög skömmum tíma hefur ástandið breyst mjög mikið.“ Ingjaldur bætir því við að hann hafi upprunalega valið að fara til Erbil því sú borg átti að vera örugg.

Endaði ferðalagið á góðum veitingastað

Eftir að hafa skoðað Erbil tók við dvöl í Mið-Evrópu þar sem Ingjaldur fór á tónlistarhátíðir í Bregenz, Salzburg og Munchen. Þaðan lá svo ferð hans til Miðbaugs-Gíneu, en afar erfitt getur verið að fá vegabréfsáritun þangað. Á meðan á ferðalagi stóð, var hann stöðugt að vinna í því að fá áritun þangað, og þann 15. júlí lá ljóst fyrir að það tækist.

Í Miðbaugs-Gíneu leigði hann bíl og skoðaði borgina. Hann ber fólkinu í landinu söguna vel, líkt og raunar í öllum löndum sem hann hefur skoðað. „Mér finnst fólkið alls staðar eins, fólkið er gott. Ef maður er kurteis og brosandi þá fær maður aðstoð og fólk er vingjarnlegt á móti. Það er mín niðurstaða af þessum ferðalögum, að fólk er alls staðar eins.“

Frá Miðbaugs-Gíneu lá leið hans til Saó Tóme, eyríkis undan ströndum Nígeríu og Gabon. Var það síðasta ríkið af öllum 193, og segir hann að það hafi verið eina ríkið af þessum síðustu sex sem hann heimsótti, sem hann gæti hugsað sér að dvelja í yfir lengri tíma. Áfanganum var svo fagnað á veitingastað í landinu. 

Loftslagið er þolanlegt og landið er tiltölulega öruggt. Fólkið er vingjarnlegt og þarna fór ég aftur í dagsferð um eyjuna og endaði á mjög skemmtilegum veitingastað sem væri talinn góður alls staðar í heiminum. Þannig að það var ágætt að enda þetta ævintýri með þeim hætti.“

Við tók svo 60 klukkustunda ferðalag til þess að komast heim til Íslands, þar sem hann lenti á sunnudaginn síðastliðinn.

Man eftir öllum löndunum

Aðspurður hvort hann muni eftir öllum löndunum sem hann hefur heimsótt, svarar hann því játandi.

Það er mesta furða. Einn samstarfsmaður minn sendi nýlega á alla starfsmenn deildarinnar tölvupóst með lista yfir öll löndin. Ég ákvað að renna yfir listann til að vera alveg viss um að ekkert land hafi farið framhjá mér og þá kom í ljós að ég mundi hvað ég gerði í hverju einasta landi. Þótt sum löndin séu keimlík, þá er munur á milli þeirra.“

Hafandi þessa reynslu, getur Ingjaldur nú ferðast aftur til þeirra landa sem honum fannst skemmtilegust. En hvaða lönd skyldu það vera?

Mér hefur þótt gaman að fara til Egyptalands og skoða fornminjarnar, pýramídana og egypska safnið í Kairó. Mig langar að fara þangað aftur. Svo var mjög gaman að fara á safarí í Kenýu. Það er annað sem ég gæti hugsað mér. Síðan er Brasilía í miklu uppáhaldi, mig langar aftur til Rio di Janeiro.“

Uppáhaldsborg Ingjalds er hins vegar öllu vestrænni. „Ég get svo farið til New York hvenær sem er, það er uppáhalds borgin mín.“ 

Friðsælli en fréttir gefa til kynna

Reynsla Ingjalds af fólki víðs vegar úr heiminum er afar góð. Hann segir að oft sé viðmót heimamanna öðruvísi en fréttaflutningur gefur til kynna. Nefnir hann sem dæmi ferðalög sín til Írans, Rúanda og Úganda. Það eru komin um 20 ár síðan ég fór til Írans og þegar ég fór þangað var ímyndin orðin mjög slæm. Fólk var hissa á því að ég þyrði þangað og flestir bjuggust við að það yrði erfitt. Það reyndist mjög þægilegt og skemmtilegt. Fólkið í Íran er vingjarnlegt og gestrisið. Maður var að labba í görðum í Teheran og fólk stoppaði mig og bauð mér að setjast niður og drekka með sér te. Þetta held ég að íslendingar myndi seint gera gagnvart útlendingum.“

„Ég var svo að tala við kunningja minn sem hefur ferðast mjög víða og hann var sammála mér í því að Íranar séu mjög vingjarnlegir. Hann sagðist hafa snætt á veitingastað og þegar hann ætlaði að borga, þá var honum sagt að annar gestur væri búinn að borga fyrir hann.“

Ímynd margra Afríkuríkja á vesturlöndum er slæm, en Ingjaldur segir það oft ekki eiga við rök að styðjast.

„Mér er minnisstætt þegar ég fór til Úganda. Ég hafði heyrt margar hryllingssögur frá landinu, sem áttu rætur sínar að rekja til þess þegar Idi Amin var þjóðhöfðingi og maður bjóst við því að andrúmsloftið væri mjög þungt. Þvert á móti var létt yfir fólki.“

„Það sama gerðist í Rúanda. Ég fór til Rúanda árið 2012 til þess að heimsækja fjallagórilluapa. Það eru ekki nema 25 ár síðan milljón Rúandamanna voru myrtir. En þjóðin virðist vera búin að gera það mál upp og það var mjög ánægjulegt að ferðast þar.“

Ekki eru margir sem hafa lokið þeim merka áfanga að heimsækja öll ríkin 193, en Ingjaldur telur þá vera færri en 10 þúsund talsins. Ætlar hann nú að vinna úr þeim mörg þúsund ljósmyndum sem hann hefur tekið á ferðalögum sínum, og er stefnan sett á að setja þær saman í bók.

 

Frá Erbil í Kúrdistan í Írak
Frá Erbil í Kúrdistan í Írak Mynd/AFP
Masmak-virkið í Riyadh var lokað vegna Rammadan þegar Ingjaldur heimsótti ...
Masmak-virkið í Riyadh var lokað vegna Rammadan þegar Ingjaldur heimsótti Sádí-Arabíu. Mynd/Wikipedia
Malabo, höfuðborg Miðbaugs-Gíneu
Malabo, höfuðborg Miðbaugs-Gíneu Mynd/Wikipedia
Frá Saó Tóme
Frá Saó Tóme Mynd/Wikipedia
mbl.is

Innlent »

Rafmagnslaust í Kópavogi

10:47 Rafmagnslaust er í nokkrum götum í Kópavogi vegna háspennubilunar. Tilkynningu þess efnis er að finna á vef Veitna.   Meira »

Hellaferðir í uppnámi vegna fyrirsagnar

10:16 „Fréttin er kannski ekki röng en framsetningin er afar dúbíus,“ segir Sigurður Guðmundsson, eigandi South East ehf. Ferðaþjónustuaðilar á Suðausturlandi eru sumir hverjir afar ósáttir við framsetningu fyrirsagnar á fréttamiðlinum Vísi, sem segir að eldsumbrot séu hafi í Öræfajökli. Meira »

Fyrsta íslenska kattakaffihúsið

10:10 Stefnt er að því að fyrsta íslenska kattakaffihúsið opni fyrir jól á Bergstaðastræti. „Við erum miklar kattakonur og nú þegar gæludýr eru leyfð á veitingastöðum ákváðum við að nota tækifærið og koma í framkvæmd hugmynd sem við höfum brætt með okkur,“ segir Gígja Björnsson, sem undirbýr opnun Kattakaffihúss á Bergstaðastræti 10a. Meira »

Bílalestin lögð af stað yfir heiðina

10:00 Talsverður fjöldi fólks var í nótt veðurtepptur í Varmahlíð þar sem Öxnadalsheiði var lokuð. Sumir voru þarna aðra nóttina í röð. Allt að 20 flutningabílar stilltu sér upp meðfram þjóðvegi 1 meðan beðið var, en núna á tíunda tímanum var heiðin aftur opnuð og er bílalestin farin af stað austur eftir. Meira »

Alvarlegt umferðarslys á Miklubraut

08:59 Alvarlegt umferðarslys varð á Miklubraut nú fyrir skömmu. Sjúkrabílar, lögreglubílar og slökkviliðsbíll hafa verið sendir á staðinn og hefur lögregla lokað Miklubraut frá Grensásvegi austur. Meira »

Mælirinn datt út í Hamarsfirði

08:32 Fjöldi vega um landið er enn lokaður vegna óveðurs og ófærðar. Vegagerðin er byrjuð að moka á Norðurlandi, en fyrir austan Akureyri er beðið með mokstur vegna óveðurs. Holtavörðuheiði er einnig enn lokuð. Meira »

Fæðingum á landsvísu hefur fækkað

08:18 Samkvæmt upplýsingum frá fæðingardeildum stærstu sjúkrahúsa á landinu hefur fæðingum eilítið fækkað á milli ára. Á þessu ári hafa fæðingar verið um 3.340 talsins en voru um 3.360 á sama tíma í fyrra. Meira »

Kosið um nýja forystu Bjartrar framtíðar

08:20 Kosið verður um nýja forystu hjá Bjartri framtíð í dag á aukaráðsfundi sem fram fer á Hótel Cabin. Kosið verður um embætti formanns flokksins og stjórnarformanns, en um síðustu mánaðamót hætti Óttarr Proppé sem hafði verið formaður flokksins og Guðlaug Kristjánsdóttir sem var stjórnarformaður. Meira »

Lögsækir heilabilaðan öryrkja

07:57 Lýður Ægisson, 69 ára gamall öryrki með heilabilun og hreyfihömlun, fékk fyrr í vikunni átta daga frest til að greiða rúmlega einnar og hálfrar milljónar króna kröfu hjúkrunarheimilisins Eirar, þar af er hálf milljón í vexti. Meira »

Tilboð í eignir á Laugum of lágt

07:37 Sveitarstjórn Dalabyggðar hefur samþykkt að gera fyrirtæki sem lagt hefur fram tilboð í allar eignir sveitarfélagsins á Laugum í Sælingsdal gagntilboð. Meira »

Viðvörun áfram í gildi fram eftir degi

07:30 Búast má við norðvestanátt á austanverðu landinu í dag, 15-23 m/s og éljum. Með deginum á að draga úr vindi og úrkomu og á morgun er spáð hægviðri og léttskýjuðu veðri á Austurlandi. Frost víða 3 til 8 stig. Meira »

Fangageymslur lögreglu fullar

07:11 Lögreglan á höfuðborgarsvæðinu veitti ökumanni sem grunaður er um að hafa ekið undir áhrifum áfengis og fíkniefna eftirför á fimmta tímanum í nótt. Sinnti ökumaðurinn ekki stöðvunarmerkjum og hófst því eftirför. 60 mál komu í heildina upp hjá embættinu og eru fangageymslur fullar eftir nóttina. Meira »

Tvöfalt fleiri kennarar á sjúkradagpeningum

05:30 Útlit er fyrir að fjöldi þeirra kennara sem fá sjúkradagpeninga úr sjúkrasjóði Kennarasambandsins muni tvöfaldast á milli ára og að stór hluti af heildarútgjöldum sjóðsins verði vegna þessara greiðslna. Meira »

Netárásir eru vaxandi atvinnugrein

05:30 Landsmenn kunna að hafa fundið fyrir auknu áreiti svindltölvupósta, sem stundum eru kallaðir Nígeríubréf, þar sem reynt er að sannfæra viðtakanda um að hans bíði umbun í formi peninga fari hann eftir fyrirmælum póstanna. Meira »

Kaupir íbúðir fyrir 2,5 milljarða

05:30 Reykjavíkurborg hefur í haust keypt 73 félagslegar íbúðir fyrir um 2,5 milljarða króna. Þar af eru 24 í byggingu á Grensásvegi 12. Meðalverð íbúðanna er 34,12 milljónir kr. og kostar fermetrinn að meðaltali rúmar 434 þúsund. Meira »

Valsmenn klofnir í herðar niður

05:30 Alvarlegur klofningur er kominn upp meðal hluthafa í félaginu Valsmenn hf. Félagið var stofnað um verðmætar eignir á Hlíðarenda en því var ætlað að standa vörð um eignirnar með hagsmuni Knattspyrnufélagsins Vals að leiðarljósi. Meira »

Vilja vinnubúðir fyrir erlenda verkamenn

05:30 „Hugsunin hjá okkur er tvíþætt. Annars vegar að skapa almennilegt búsetuúrræði fyrir erlenda starfsmenn og hins vegar að létta aðeins á þessum fasteignamarkaði,“ segir Eiríkur Ingvar Ingvarsson, framkvæmdastjóri Somos ehf. Meira »

Allt að 50 flóttamenn koma

05:30 Íslensk sendinefnd fór í síðustu viku til Jórdaníu og hélt þar námskeið fyrir um 50 manna hóp flóttafólks frá Sýrlandi og Írak í samstarfi við Alþjóðlegu fólksflutningastofnunina. Meira »

Mátturinn eða dýrðin - Greinaflokkur

Toyota yaris 2006
Erum að selja þennan bíl a 650,000. Ef þið viljið tala um bílin betur hringjið í...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
Bækur til sölu
Bækur til sölu Það blæðir úr morgunsárinu, tölus., áritað, Jónas E. Svafár, Spor...
 
Eldri borgarar
Staður og stund
Aflagrandi 40 Opin vinnustofa kl. 9 og j...
L edda 6017112119 i h&v
Félagsstarf
? EDDA 6017112119 I H&V; Mynd af augl...
Eldri borgarar
Staður og stund
Aflagrandi 40 Opin vinnustofa kl. 9 og g...
Hádegisfundur ses
Fundir - mannfagnaðir
ses.xd.is Samtök eldri sjálfstæði...