Íbúar nýrra sveitarfélaga sem orðið hafa til á síðustu árum með sameiningu eru ósammála þeirri fullyrðingu að þjónusta sveitarfélagsins hafi almennt batnað eftir að hið sameinaða sveitarfélag varð til.
Ekki er heldur að sjá á skoðanakönnun sem gerð hefur verið að sameiningin hafi aukið fólki bjartsýni á framtíð samfélagsins.
Þá finnst íbúunum ekki að sameiningin hafi aukið samheldni meðal íbúa sveitarfélagsins, að því er fram kemur í umfjöllun um mál þetta í Morgunblaðinu í dag.