Hans Humes er stjórnandi bandarísks vogunarsjóðs með mikla reynslu af samningaviðræðum kröfuhafa við ríkisstjórnir skuldsettra landa.
Hann heldur fyrirlestur í Reykjavík á þriðjudag og ræðir þar m.a. hvaða leiðir gætu verið Íslandi færar, að því er fram kemur í samtali við Humes í Morgunblaðinu í dag.
Hann segir stjórnvöld verða að vanda valið á ráðgjöfum og svigrúm til samninga velti mjög á því hver eigi skuldirnar. Svokallaðir hrægammasjóðir séu oft viljugri til samningaviðræðna en halda mætti af tali stjórnmálamanna.