íbúafundur verður haldinn í Ljósvetningabúð klukkan 20 í kvöld með lögreglustjóranum á Húsavík, fulltrúum almannavarna, Veðurstofunnar og öðrum hagsmunaaðilum. Þetta kemur fram í færslu á fésbókarsíðu almannavarna.
Þar segir að farið verði yfir málefni er varða jarðskjálftahrinuna við Bárðarbungu, viðbúnað og viðbrögð og fyrirspurnum íbúa um málið svarað. Í morgun var daglegur stöðufundur með viðbragðs- og hagsmunaaðilum í húsnæði björgunarsveitarinnar Garðars á Húsavík.