Nýr fjárfestingasjóður í eigu lífeyrissjóða, sem hefur fengið heitið Hagvaxtarsjóður Íslands, verður stofnaður á haustmánuðum.
Verður sjóðurinn 30 milljarðar króna að stærð til að byrja með og rekinn af Framtakssjóði Íslands (FSÍ), að því er fram kemur í Viðskiptamogganum í dag.
Þorkell Sigurlaugsson, stjórnarformaður FSÍ, segir í samtali við Morgunblaðið að sjóðurinn muni einkum horfa til þess að fjárfesta í gjaldeyrisskapandi verkefnum. Fjárfestingar sjóðsins ættu því að styðja við áform um losun hafta.