Tveir þingmenn Vinstrihreyfingarinnar - græns framboðs, þau Ögmundur Jónasson og Svandís Svavarsdóttir, hafa lagt að nýju fram þingsályktunartillögu á Alþingi um að ríkið kaupi jörðina Grímsstaði á Fjöllum sem kínverski athafnamaðurinn Huang Nubo hugðist á sínum tíma festa kaup á.

„Margt mælir með því að ríkið festi kaup á Grímsstöðum á Fjöllum sem eru í þjóðlendujaðrinum. Ríkið á þegar tvær jarðir suður af Grímsstöðum, Víðidal og Möðrudal, og um fjórðung Grímsstaða á Fjöllum. Tekið er undir það sem fram kemur í framangreindri áskorun að æskilegt er að mótuð verði stefna varðandi eignarhald og umráð yfir óbyggðum og þá sérstaklega bújörðum sem teygja sig inn á hálendið,“ segir í greinargerð með ályktuninni.

Ennfremur fylgir með áskorun sem á sínum tíma var send Alþingi undirrituð af 150 einstaklingum þar sem skorað var á þingið „að marka skýra stefnu í þessa veru og ákveða hvaða jarðir í eigu ríkisins skuli aldrei selja og að ríkið muni kaupa hliðstæðar jarðir til að tryggja að þær haldist í þjóðareign.“

Tengdar fréttir

Jarðakaup

Frumvarp um takmarkanir á landareign

• Vilja að jarðakaup verði leyfisskyld
• Segir markmiðið vera náttúruvernd
• Vilja frekari hömlur á jarðakaup
• Keyptu veiðijarðir við Búðardalsá

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Háborgaralegi glansdindillinn og Swandeesy Sendiherrans eiga vel saman
• Júlíus Már Baldursson: Margt annað þarfara með peningana að gera