Spáð er hvössum S- og SSA-vindi vestantil á landinu samfara hlýindum. Við þær aðstæður geta hnútar af bröttum fjöllum orðið snarpir, eða um og yfir 35 metrar á sekúndu. Vegagerðin sér því ástæðu til að vara vegfarendur, sérstaklega með aftanívagna, við hvassviðrinu.
Einkum er bent á norðanvert Snæfellsnes í þessu tilliti, frá því snemma sunnudagsmorguns, einkum frá Berserkjahrauni út undir Fróða. Á Vestfjörðum s.s. við Hnífsdal og við Arnardal utan Súðavíkur frá því um miðjan morgun. Undir Hafnarfjalli mögulega einnig fyrir hádegi.
Vindur gengur ekki niður á þessum slóðum fyrr en sunnudagskvöld.