Náttúrufræðistofnun Íslands og Tilraunastöð Háskóla Íslands í meinafræðum hafa staðið fyrir rannsóknum á heilbrigði og líkamsástandi rjúpunnar frá árinu 2006.
Veiðarnar fara fram í byrjun október ár hvert og eru því nýafstaðnar. Veiddar voru 100 rjúpur í rannsóknaskyni á Norðausturlandi.
Í Morgunblaðinu í dag segir Ólafur Karl Nielsen, fuglafræðingur við Náttúrufræðistofnun Íslands og verkefnastjóri rannsóknarinnar, markmiðið vera að kanna hvort tengsl séu á milli heilbrigðis rjúpunnar og stofnbreytinga hennar.