Tónlistarskólakennarar efna til fundar í Kaldalóni í Hörpu klukkan 19.30 í kvöld. Ávörp flytja dr. Ágúst Einarsson prófessor, Hjálmar H. Ragnarsson tónskáld og Sigrún Grendal, formaður FT.
Yfirskrift fundarins í kvöld er „Er tónlistin minna virði í dag?“
Yfirgnæfandi meirihluti félagsmanna í Félagi tónlistarskólakennara (FT) samþykkti í atkvæðagreiðslu að efna til vinnustöðvunar á morgun, 22. október, náist ekki kjarasamningur við Samband íslenskra sveitarfélaga.
Á fundinum verða pallborðsumræður sem fulltrúar stjórnmálaflokkanna, fulltrúi Sambands íslenskra sveitarfélaga og foreldri tónlistarnemanda munu sitja.
Einnig verður flutt ýmiss konar tónlist á fundinum.