Hvetur Björk til að hafna leiðréttingunni
Setja bókamerki
Vigdís Hauksdóttir, þingmaður Framsóknarflokksins, hvetur Björk Vilhelmsdóttur, borgarfulltrúa Samfylkingarinnar, á Facebook-síðu sinni í dag til að staðfesta ekki 2 milljóna króna niðurfærslu á íbúðaláni Bjarkar vegna aðgerða ríkisstjórnarinnar. Tilefnið eru ummæli Bjarkar á Facebook í dag þar sem hún sagðist ekki þurfa á leiðréttingunni að halda:
„Kæru skattgreiðendur. Þið hafið lækkað húsnæðislán mitt um tæpar 2 m.kr. þó ég eigi mjög auðvelt með að greiða af láninu. Á sama tíma ná börnin mín og annað fólk á leigumarkaði ekki endum saman. Þess vegna finnst mér þetta óréttlátt. Við ríka fólkið þurfum ekki að verða ríkari - en aðrir þurfa mun meira en þeir hafa.“
Vigdís segir í kjölfarið á Facebook-síðu sinni að hún hvetji Björk og aðra sem hafi óvart sótt um skuldaleiðréttingu að staðfesta hana ekki í desember. „Ég hvet t.d. Björgu Vilhelmsdóttur að staðfesta ekki skuldaniðurfellingu upp á 2 milljónir sér til handa í desember - svo virðist vera að hún hafi sótt "óvart" um - því umsóknin var valfrjáls.“
Jóhannes Þór Skúlason, aðstoðarmaður Sigmundar Davíðs Gunnlaugssonar forsætisráðherra, tjáir sig einnig um málið á Facebook-síðu sinni í dag og furðar sig á þeim sem kvarti yfir því að hafa fengið skuldaleiðréttingu. „Ég á erfitt með að skilja fólk sem kvartar yfir því að hafa fengið leiðréttingu. Allir sem fá leiðréttingu sóttu sjálfir um. Hví að sækja um eitthvað sem maður vill ekki?“
/frimg/1/48/74/1487454.jpg)
Heldur inn í nóttina tuttugu kílóum léttari
Telur forsendur fyrir vaxtalækkun
Shakespeare fannst í skókassa
Handteknir eftir myndatöku í Vesturbæjarlaug
Tveir í bílnum sem lenti utan vegar
Hvorki sést áður hér á landi né annars staðar
Kaldasti veturinn kom að óvörum