Skólarnir fengið hagstæðari kjör

„Sú lækkun á fjármunum til hráefniskaupa sem tillaga að fjárhagsáætlun fyrir næsta ár gerir ráð fyrir skýrist ekki af því að gert sé ráð fyrir minna eða verra hráefni á næsta ári, heldur hinu að leikskólarnir hafa fengið mun hagstæðari kjör í kaupum á hráefnum í kjölfar úrboða og betri gæðastjórnunar,“ skrifar Dagur B. Eggertsson, borgarstjóri, í vikulegt fréttabréf sitt. Í frétt Morgunblaðsins í dag kemur fram að borgaryfirvöld ætli að lækka fram­lög til hrá­efnis­kaupa leik­skól­anna á næsta ári um 7,5 pró­sent. 

 „Það er mikilvægt að leikskólabörn fái hollan og næringarríkan mat í leikskólanum. Mörg skref hafa verið tekin á síðustu árum í þá átt,“ skrifar Dagur.

„Eftir að landlæknir gaf út manneldismarkmið sín setti Reykjavíkurborg strax a dagskrá að ná þeim í nokkrum skrefum. Við erum að nálgast þessi markmið landlæknis ár frá ári og settum meiri peninga í matinn á þessu ári. Sú lækkun á fjármunum til hráefniskaupa sem tillaga að fjárhagsáætlun fyrir næsta ár gerir ráð fyrir skýrist ekki af því að gert sé ráð fyrir minna eða verra hráefni á næsta ári, heldur hinu að leikskólarnir hafa fengið mun hagstæðari kjör í kaupum á hráefnum í kjölfar úrboða og betri gæðastjórnunar. Meirihlutinn mun fara yfir þær ábendingar sem komið hafa fram í málinu og gera tillögur fyrir afgreiðslu fjárhagsáætlunarinnar sem miða að því að halda áfram tryggja betri og betri mat í leikskólunum.“  

• 1 blogg um fréttina

Bloggað um fréttina

• Jón Snæbjörnsson: .... skárra að "bulla" þarna en ...