Íslendingar og Færeyingar hafa náð samningum um gagnkvæm fiskveiðiréttindi í lögsögum landanna. Samningur þar að lútandi var undirritaður í fyrradag.
Að sögn Jóhanns Guðmundssonar í samninganefnd Íslendinga fá Færeyingar að veiða 5000 tonn af bolfiski í íslenskri lögsögu, þar af 1250 tonn af þorski og 700 tonn af keilu. Þá fá þeir að veiða 5% af heildarloðnukvótanum sem er um 260 þúsund tonn. Það gera um 13000 tonn.
Í staðinn fá Íslendingar aðgang að hinum mikilvægu kolmunnamiðum í færeyskri lögsögu. Líklegt er að hluturinn verði um 150 þúsund tonn.