Matvælarisar kaupa rannsóknir

Alþjóðlegir matvælarisar eins og PepsiCo og Nestlé hafa á síðustu árum verið meðal viðskiptavina Matís og keypt af fyrirtækinu tilteknar rannsóknir.

Hörður G. Kristinsson, rannsóknastjóri Matís, segir að síðustu ár hafi erlend viðskipti aukist og þessi erlendu samskipti skapi fjölda ársverka og skili miklum tekjum, en fyrirtækið vinnur m.a. að rannsóknum í líftækni, sjávarútvegi og matvælavinnslu.

Hlutafélagið Matís ohf. var stofnað 2007 og starfa þar um 100 manns auk meistara- og doktorsnema. Stærsti hluti tekna Matís kemur úr erlendu samstarfi eða um 35% sé miðað við rekstraráætlun fyrir 2014, að því er fram kemur í umfjöllun um umsvif þessi í Morgunblaðinu í dag.