Hálka er á Reykjanesbraut og þar er mjög hvasst. Lögreglan á Suðurnesjum biður ökumenn um að fara varlega og aka í samræmi við aðstæður.
Í nótt runnu tveir bílar útaf Reykjanesbrautinni en ekki urðu slys á fólki, að sögn lögreglu.
Seinkun hefur verið á millilandaflugi í morgun en það tengist því að aflýsa þurfti öllu millilandaflugi um tíma í gær vegna óveðursins.