Hnapparafhlöður stórhættulegar börnum

Rafhlaða situr föst í vélinda barns.
Rafhlaða situr föst í vélinda barns. Ljósmynd/Evrópusambandið

Síðustu tíu ár hafa svokallaðar hnapparafhlöður orðið æ algengari á heimilum. Rafhlöðurnar geta verið stórhættulegar börnum og segir Herdís L. Storgaard, framkvæmdastjóri Miðstöðvar slysavarna barna, að mikilvægt sé að vekja athygli á málefninu til að koma í veg fyrir slys. 

Rafhlöðurnar, sem einnig eru þekktar sem lithium-rafhlöður, eru að sögn Herdísar eitt það hættulegasta sem finnst á heimilinu þegar kemur að eiturefnum, ásamt þvottaefni fyrir uppþvottavélar. Þær má finna í fjarstýringum og raftækjum, sem og leiktækjum fyrir eldri börn. Börn undir þriggja ára aldri eru þó í mestri hættu að lenda í slysum vegna þeirra.

Nokkur börn látist vegna rafhlaðnanna

Nokkur börn hafa látist af völdum rafhlaðnanna í heiminum á síðustu árum, en fjöldi slysa vegna þeirra hér á landi er óljós. Ekki hefur orðið dauðaslys hér á landi vegna þeirra, en nokkur börn hafa þó leitað til læknis á liðnum árum, og eru tilfellin misalvarleg.

Herdís segir ung börn oft ekki gera greinarmun á rafhlöðunum og sælgæti, vegna þess hve lítil þau eru. Það þurfi því að passa vel upp á það að börnin komist ekki í snertingu við þau. „Framleiðendur raftækja og leikfanga sem innihalda þessar rafhlöður reyna auðvitað að gera þetta barnaöruggt og það er til dæmis ekki fyrir hvern sem er að opna þessar fjarstýringar. En það hefur gerst að fólk missir þær í gólfið og þá geta þær opnast og rafhlaðan týnst, en lítið barn getur fundið hana seinna,“ segir hún.

Geta gert gat á vélinda eða maga

Að sögn Herdísar eru hættulegustu dæmin þau þegar rafhlaðan festir sig í vélinda eða maga barns, en um leið og hún leggst upp að líffæri blotnar járnið og innihaldið fer að leka. Fljótlega eftir að það gerist byrjar að myndast brunasár og á næstu klukkutímum eða sólarhringum getur komið gat á vélindað eða magann með skelfilegum afleiðinum. 

Helstu einkenni hjá börnum eru ógleði eða uppköst, hiti, hósti, verkir í maga, öndunarörðugleikar, niðurgangur, blóð í saur, almenn vanlíðan og verkir í koki eða hálsi. Þá vilja börn sem hafa gleypt rafhlöður sem þessar oft hvorki borða né drekka.

Forgangsmál varðandi öryggi barna

Evrópusambandið sendi frá sér aðvörun á síðasta ári þar sem þetta málefni var forgangsmál varðandi öryggi barna. Var það að gefnu tilefni, enda höfðu nokkur börn látist í Evrópu af völdum þessara rafhlaðna. Þá síðast hafði ungt barn látist í Frakklandi af völdum þeirra.

„Það sem er óhugnanlegast við þetta er að foreldrarnir eiga mjög erfitt með að greina þetta ef þeir hreinlega vita ekki eða verða ekki varir við að rafhlaðan sé horfin eða að barnið hafi náð í hana,“ segir Herdís. Hún segir dæmið í Frakklandi hafa verið einstaklega hræðilegt, þar sem rafhlaðan hafði verið í maga barnsins í 48 klukkustundir þegar það lést. 

„Barnið var búið að vera með slen og veikt og það var búið að fara með það á bráðamóttöku tvisvar þar sem það var sent heim í bæði skiptin. Það endaði með því að barnið byrjaði að æla blóði og blæddi að lokum út í örmum foreldra sinna,“ segir hún, og útskýrir að þá hafi rafhlaðan fest sig við magavegg barnsins sem olli því að það kom gat á æð.

Mikilvægt að vera meðvitaður um hætturnar

Að sögn Herdísar er mikilvægt að almenningur sé meðvitaður um það hversu hættulegar þessar rafhlöður eru, og geymi þær í læstum skápum með barnalæsingu. Þá séu rafhlöðukassar með notuðum rafhlöðum einnig geymdir á stað þar sem börn komast ekki í þau. Jafnframt eigi börn undir þriggja ára aldri ekki að leika sér með leikföng eldri barna sem geta innihaldið þessar rafhlöður.

„Þegar maður er í forvörnum bíður maður ekki eftir að einhver deyi. Það þarf að koma þessum upplýsingum út um leið svo fólk átti sig á þessari miklu hættu,“ segir Herdís, en til að undirstrika áhrifin kom hún hnapparafhlöðu fyrir á áleggi. Tók hún myndir af álegginu eftir þrjátíu mínútur, tvær klukkustundir og 48 klukkustundir, og hefur rafhlaðan þá brennt áleggið, eins og sjá má á myndum við þessa frétt.

Settu viðvaranir á rafhlöðukassa

Loks bendir Herdís á nýja rafhlöðukassa sem Efnamóttakan hefur látið framleiða, þar sem ábendingar um hættur koma fram. „Ég rak augun í það að engar merkingar væru á rafhlöðukössunum og hafði því samband við Efnamóttökuna. Þeir brugðust strax við og breyttu öllum kössunum hjá sér,“ segir hún. „Það er flott framtak hjá svona fyrirtæki að sýna samfélagslega ábyrgð og við erum að vonast til þess að þeir veki athygli fólks á því hversu hættulegt þetta er.“

Ef grunur leikur á að barn hafi gleypt hnapparafhlöðu er mikilvægt að leita samstundis á bráðamóttöku eða heilsugæslustöð.

Herdís L. Storgaard, framkvæmdastjóri Miðstöðvar slysavarna barna.
Herdís L. Storgaard, framkvæmdastjóri Miðstöðvar slysavarna barna. Guðmundur Rúnar Guðmundsson
Þrátíu mínútum eftir að rafhlaða var lögð á áleggið.
Þrátíu mínútum eftir að rafhlaða var lögð á áleggið. Ljósmynd/Herdís L. Storgaard
Tveimur klukkustundum eftir að rafhlaða var lögð á áleggið.
Tveimur klukkustundum eftir að rafhlaða var lögð á áleggið. Ljósmynd/Herdís L. Storgaard
48 klukkustundum eftir að rafhlaða var lögð á áleggið.
48 klukkustundum eftir að rafhlaða var lögð á áleggið. Ljósmynd/Herdís L. Storgaard
mbl.is

Innlent »

Eldur í ruslagámi á Seltjarnarnesi

21:54 Slökkviliðið á höfuðborgarsvæðinu var kallað út á tíunda tímanum í kvöld eftir að tilkynnt var um eld í ruslagámi á Seltjarnarnesi. Meira »

Drógu vin sinn upp úr tjörninni

21:45 Lögreglan á Suðurnesjum varar við ótraustum ís á tjörnunum í Reykjanesbæ. Birti lögreglan í dag á Facebook-síðu sinni frásögn af 11 ára dreng sem datt ofan eina af tjörnunum, eftir að skilaboð bárust frá áhyggjufullu foreldri í bænum. Meira »

Samningar náðust ekki í kvöld

21:30 Fundi Flugvirkjafélags Íslands og Samtaka atvinnulífsins, vegna flugvirkja hjá Icelandair, lauk í kvöld án þess að samningar næðust. Gunnar R. Jónsson, formaður samninganefndar flugvirkja, sagði þó einhverjar þreifingar vera í gangi á milli manna þegar mbl.is ræddi við hann á tíunda tímanum í kvöld. Meira »

Níræð hjón gætu tapað draumasiglingunni

21:08 „Það er töluverður fjöldi sem hefur verið að hafa samband, enda vorum við að upplýsa alla okkar farþega um stöðuna í dag, um yfirvofandi verkfall,“ segir Ingibjörg Ásdís Ragnarsdóttir, forstöðumaður notenda- og þjónustuupplifunar hjá Icelandair. Meira »

Enginn fékk milljarðana 2,6

20:56 Fyrsti vinn­ing­ur í Eurojackpot gekk ekki út í kvöld en rúm­lega 2,6 millj­arðar króna voru í pott­in­um. Annar vinningur gekk heldur ekki út að þessu sinni, en hann hljóðaði upp á tæpar 170 milljónir króna. Meira »

„Góður fjölskyldufagnaður“

20:47 Senn líður að besta eða versta tíma ársins í matargerð á Íslandi, eftir því hver á í hlut, en það er Þorláksmessan. Þá er gjarnan tekið forskot á jólahátíðina og slegið upp veislu þar sem kæst skata og tindabikkja er borin á borð. Meira »

Þöggun beitt gegn starfsfólki spítalans

20:28 Gunnar Bragi Sveinsson, þingmaður Miðflokksins, sagði í umræðu um fjárlagafrumvarpið í dag að þöggun væri beitt gegn starfsfólki Landspítalans. Hann sagði að starfsfólk mætti ekki tjá sig um nýjan Landspítala á nýjum stað. Gunnar sagði þetta hafa komið fram á fundi um spítalann sem haldinn var í Norræna húsinu í kosningabaráttunni. Meira »

„Svo fylgdi Hofsjökull með í pakkanum“

20:44 Guðni A. Jóhannesson Orkumálastjóri leggur til að aðgengi að fjölsóttum og viðkvæmum ferðamannastöðum verði takmarkað við lestarsamgöngur í jólaerindi sínu til starfsmanna. Hann telur heldur ekki nægar hömlur settar á notkun díselbílar og skammast yfir notkun þeirra í íslenskri náttúru. Meira »

Fyrstu umræðu um fjárlög lokið

20:18 Fyrstu umræðu um fjármálafrumvarpið er lokið á Alþingi, en henni lauk klukkan rétt rúmlega átta í kvöld. Frumvarpið gengur nú til fjárlaganefndar og annarrar umræðu. Bjarni Benediktsson fjármálaráðherra tók til máls við lok umræðunnar og sagði að honum hefði þótt málefnalega farið yfir frumvarpið. Meira »

U-beygja um samning sjúkrabíla

20:00 „Fyrir rúmu ári síðan var nýr samningur í lokayfirlestri en þá kom u-beygja frá velferðarráðuneytinu um að bílarnir skyldu vera í eigu ríkisins. Þeir eru og hafa verið í eigu sjúkrabílasjóðs Rauða krossins. Staðan er sú að ekki er komin lausn í það mál.“ Þetta segir starfsmaður Sjúkratrygginga Íslands. Meira »

Ákvað að hafa ást frekar en reiði

19:15 „Ég held að almættið hafi komið því svo fyrir að við mamma vorum mikið saman þrjá síðustu dagana í lífi hennar. Þannig fannst mér mamma vera að segja „Ég elska þig“, en samband okkar mömmu í gegnum tíðina var stundum erfitt. Meira »

Samkennari beið á nærbuxum uppi í rúmi

18:57 „Í starfsmannaferð erlendis var veskistöskunni stolið, seint um árshátíðarkvöld. Ég fæ lobbystrákinn til að fylgja mér og opna fyrir mér þar sem lyklarnir voru í veskinu. Þar bíður samkennari á nærbuxunum, uppi í rúmi, án sængur, hvítvín bíðandi á borðinu.“ Meira »

Enn vanti nokkuð upp á

18:38 Páll Matthíasson, forstjóri Landspítalans, segir ljóst að þrátt fyrir stuttan tíma hafi nýjum ráðherra heilbrigðismála tekist að setja mark sitt á fjárlagafrumvarpið sem lagt var fram á Alþingi í gær. Meira »

Nýr vígslubiskup kosinn í mars

17:19 Kjörstjórn þjóðkirkjunnar hefur ákveðið að endurtaka tilnefningu til vígslubiskups í Skálholti í febrúar og að kosið verði á ný í mars á næsta ári. Frá þessu er greint í fréttatilkynningu frá þjóðkirkjunni. Meira »

Forstjóra Landspítala misboðið

16:37 Í nýjum pistli Páls Matthíassonar, forstjóra Landspítalans, segir hann ofbeldi gagnvart konum ólíðandi ósóma og smánarblett. Hann segir alls ekki koma á óvart að slíkt hafi viðgengist í heilbrigðisþjónustunni, enda sé þar samfélag líkt og á öðrum vinnustöðum. Meira »

Bíða með ákvörðun um kostamat

17:23 Hreppsnefnd Árneshrepps ákvað á fundi sínum í dag að fresta því að taka ákvörðun um hvort ráðist verði í kostamat á virkjun innan sveitarfélagsins annars vegar og stofnun þjóðgarðs eða verndarsvæðis hins vegar. Meira »

Elliði vill leiða áfram í Eyjum

16:55 Elliði Vigfússon, bæjarstjóri í Vestmannaeyjum, tilkynnti í dag á vef sínum Ellidi.is að hann gefi áfram kost á sér til að leiða lista Sjálfstæðisflokksins í Eyjum. „Undanfarið hef ég eytt talsverðum tíma í að líta yfir farinn veg og hugsa um framtíðina,“ segir Elliði á vef sínum. Meira »

Komst upp með að nauðga nemanda

16:13 „Ég starfaði einu sinni við framhaldsskóla þar sem kennari nauðgaði nemanda, utan skólatíma. Skólastjóra var gert viðvart en kennarinn var ekki kærður fyrir verknaðinn.“ Svona hefst frásögn konu innan menntageirans sem greinir frá því að samstarfsmaður hennar hafi komist upp með að nauðga nemanda. Meira »

Börnin sem kerfið gleymdi

UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
Jólakort til styrktar langveikum börnum
Bumbuloní Jólakort og Merkimiðar. Allur ágóði rennur til styrktar fjölskyldum l...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
 
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Land til sölu
Til leigu
Land til sölu Til sölu eða leigu 4,6 h...
Samkoma
Félagsstarf
Söngsamkoma kl. 20 í Kristni- boðssalnu...