Kirkjuklukkurnar áfram í borginni

Hávaði frá kirkjuklukkum er ekki umhverfisvandamál en upp geta komið einstök tilvik þar sem ástæða er til að fara fram á að tilhögun hringinga sé breytt.

Þetta segir í umsögn Heilbrigðiseftirlits Reykjavíkur en borgaryfirvöld hafa haft til umfjöllunar tillögu af samráðsvefnum Betri Reykjavík, þess efnis að kirkjuklukkum í borginni verði eingöngu hringt við stærri athafnir.

Í umsögninni segir að hringingar frá kirkjuklukkunum sem eru framkvæmdar samkvæmt því verklagi sem Þjóðkirkjan hefur ákveðið verði að teljast eðlilegur hluti af borgarumhverfi.