Sigmundur Davíð Gunnlaugsson, forsætisráðherra Íslands, segir eldgosið í Holuhrauni hafa kallað á aukin útgjöld úr ríkissjóði.
„Kostnaðurinn vegna eldsumbrotanna er orðinn nokkur en við eigum eftir að láta taka saman allan kostnað sem hlaust af gosinu í Holuhrauni.“
Ekki er ólíklegt, að mati Sigmundar, að ríkið þurfi að auka enn frekar útgjöld sín til þeirra málaflokka sem á reynir við náttúruhamfarir, verði t.d. eldgos í Bárðarbungu. „Það er mikilvægt að vera við öllu búin og gott að vita til þess að hér á landi eru gífurlega færir vísindamenn á þessu sviði og gott net björgunar- og viðbragðsaðila um allt land.“